ນ້ຳດື່ມກາຫົວເສືອແຈກໂຊກໃຫຍ່ຄັ້ງສຸດທ້າຍ

ນ້ຳ​ດື່ມ​ຫົວ​ເສືອ ໄດ້​ຈັດ​ກິດ­ຈະ­ກຳ​ຄືນ​ກຳ­ໄລ​ໃຫ້​ກັບ​ຜູ້​ບໍ­ລິ­ໂພກ ພາຍ​ໃຕ້​ໂຄງ­ການ “ລຸ້ນ​ຮັບ​ໂຊກ​ກ້ອງ​ຝາ​ຂາວ ກັບ​ນ້ຳ​ດື່ມ​ຫົວ​ເສືອ” ໂດຍ​ນ້ຳ​ດື່ມ​ຫົວ​ເສືອ​ໄດ້​ປ່ຽນ​ຝາ​ເປັນ​ສີ­ຂາວ ແລະ ໃນ​ກ້ອງ​ຝາ​ນັ້ນ ຍັງ​ມີ​ລະ­ຫັດ 7 ຕົວ​ເລກ​ໃຫ້​ຜູ້​ບໍ­ລິ­ໂພກ​ສາ­ມາດ​ສົ່ງ​ໄປ​ລຸ້ນ​ໂຊກ​ແບບ​ງ່າຍໆ ໂດຍ​ສົ່ງ​ລະ­ຫັດ​ກ້ອງ​ຝາ​ນ້ຳ​ດື່ມ​ຂະ­ໜາດ​ໃດ​ກໍ​ໄດ້ ຜ່ານ​ທາງ Messenger ຂອງ Facebook page: Tigerheadlaos.

ວັນ​ທີ 16 ຕຸ­ລາ 2020 ຢູ່​ບໍ­ລິ­ສັດ ເບຍ​ລາວ ຈຳ­ກັດ ໄດ້​ຈັດ​ງານ​ແຈກ​ໂຊກ​ໂດຍ​ການ​ສຸ່ມ​ຫາ​ຜູ້​ໂຊກ​ດີ​ເປັນ​ຄັ້ງ​ທີ 3 ເຊິ່ງ​ເປັນ​ຄັ້ງ​ສຸດ​ທ້າຍ​ຂອງ​ໂຄງ­ການ ມີ​ລາ­ງວັນ​ໃຫຍ່​ຄື​ລົດ​ກະ­ບະ Isuzu D-Max ຈຳ­ນວນ 1 ຄັນ ນອກ­ຈາກ​ນີ້ ຍັງ​ມີ​ລາ­ງວັນ​ສາຍ​ຄໍ​ຄຳ 2 ສະ­ຫຼຶງ​ຈຳ­ນວນ 56 ລາ­ງວັນ ແລະ ລາ­ງວັນ​ເງິນ­ສົດ 8 ລ້ານ​ກີບ ຈຳ­ນວນ 18 ລາ­ງວັນ ໂດຍ​ການ​ເຂົ້າ​ຮ່ວມ ແລະ ກົດ​ປຸ່ມ​ສຸ່ມ​ຫາ​ຜູ້​ໂຊກ​ດີ​ຂອງ​ທ່ານ ວິກ​ເຕີ ຈອງ ຜູ້­ອຳ­ນວຍ­ການ​ຝ່າຍ​ການ​ຕະ­ຫຼາດ ບໍ­ລິ­ສັດ ເບຍ​ລາວ ຈຳ­ກັດ ສຳ­ລັບ​ຜູ້​ໂຊກ​ດີ​ທີ່​ໄດ້​ຮັບ​ລົດ​ກະ­ບະ​ຄັນ​ທີ 3 ຂອງ​ໂຄງ­ການ ຈາກ​ການ​ສົ່ງ​ຝາ​ມາ​ລຸ້ນ​ໂຊກ ຜູ້​ທີ່​ໂຊກ​ດີ​ຊື່​ທ້າວ ສີ​ຄູນ ຢູ່​ບ້ານ​ໂນນ​ຂີ້­ເຫຼັກ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ລະ­ຫັດ​ກ້ອງ​ຝາ PKDBJD3. ໂຄງ­ການ​ດັ່ງ­ກ່າວ​ນີ້ ໄດ້​ເລີ່ມ​ຕົ້ນ​ມາ​ແຕ່​ເດືອນ​ກໍ­ລະ­ກົດ 2020 ແລະ ສິ້ນ​ສຸດ​ລົງ​ໃນ​ວັນ​ທີ 16 ຕຸ­ລາ 2020 ມາ​ຮອດ​ປັດ­ຈຸ­ບັນ ນ້ຳ​ດື່ມ​ຫົວ​ເສືອ​ໄດ້​ມີ​ການ​ແຈກ​ໂຊກ​ຜ່ານ​ການ​ສຸ່ມ​ຫາ​ຜູ້​ໂຊກ​ດີ​ທັງ​ໝົດ 3 ຄັ້ງ ມີ​ຜູ້​ໂຊກ​ດີ​ໄດ້​ຮັບ​ລາ­ງວັນ​ສາຍ​ຄໍ​ຄຳ​ສອງ​ສະ­ຫຼຶງ​ໄປ​ແລ້ວ​ຈຳ­ນວນ 480 ລາ­ງວັນ ຜູ້​ໂຊກ​ດີ​ໄດ້​ຮັບ​ລາ­ງວັນ​ເງິນ­ສົດ 8 ລ້ານ​ກີບ​ຈຳ­ນວນ 180 ລາ­ງວັນ ແລະ ລາ­ງວັນ​ໃຫຍ່ ຄື​ລົດ​ກະ­ບະ Isuzu D-Max ຈຳ­ນວນ 3 ຄັນ.

# ຂ່າວ & ພາບ: ຊິ​ລິ​ການ​ດາ

ຕິດຕໍ່ພວກເຮົາ
error: Content is protected !!