60 ປີ ສາຍພົວພັນການທູດ ລາວ-ຈີນ ນັບມື້ເຕີບໃຫຍ່ເຂັ້ມແຂງ ເຂົ້າສູ່ລວງເລິກ

ທ່ານ ຈຽງ ຈາຍຕົງ ເອກອັກຄະລັດຖະທູດແຫ່ງ ສປ ຈີນ ປະຈໍາ ສປປ ລາວ ໄດ້ກ່າວໃນບົດປາໄສ ເນື່ອງໃນໂອກາດການສ້າງສາຍພົວພັນການທູດຄົບຮອບ 60 ປີ ກໍຄືປີມິດຕະພາບຈີນ-ລາວ (25/04/1961-25/04/2021)ວ່າ: ມື້ນີ້ເປັນວັນລະນຶກການສ້າງສາຍພົວພັນການທູດ ຈີນ-ລາວ ກ່ອນໜ້ານີ້ 60 ປີ ສາທາລະນະລັດ ປະຊາຊົນຈີນ ແລະ ສາທາລະນະລັດ ປະຊາທິປະໄຕ ປະຊາ ຊົນລາວ ໄດ້ສ້າງ ສາຍພົວພັນການທູດຢ່າງເປັນທາງການ ເຊິ່ງໄດ້ເປີດໂສມໜ້າໃໝ່ຂອງການພົວ ພັນມິດຕະພາບລະຫວ່າງສອງພັກ ສອງລັດ ແລະ ປະຊາຊົນສອງຊາດ.

ໃນວັນເວລາທີ່ມີຄວາມໝາຍປະຫວັດສາດນີ້ ປະຊາຊົນສອງຊາດ ໄດ້ມີຄວາມເບີກບານມ່ວນຊື່ນ ແລະ ມີກໍາລັງໃຈ ຫວນຄືນໄລຍະ 60 ປີທີ່ບໍ່ທໍາມະດາ ຮ່ວມກັນອະທິຖານອະນາຄົດສົດໃສຂອງ ມິດຕະພາບຈີນ-ລາວ ການນໍາຂັ້ນສູງຂອງສອງຝ່າຍ ໄດ້ສົ່ງໂທລະເລກຊົມເຊີຍໃຫ້ກັນ ຕີລາຄາ ສູງຕໍ່ຜົນສໍາເລັດໃນ 60 ປີທີ່ຜ່ານມາ ສົມທົບກັນເພື່ອວາງແຜນໃຫ້ແກ່ສາຍພົວພັນຈີນ-ລາວໃນຕໍ່ ໜ້າ ວົງການຕ່າງໆຂອງສອງປະເທດ ໄດ້ສືບທອດອະດີດ ແລະ ສູ້ຊົນເພື່ອອະນາຄົດ ສະຫຼຸບປະ ສົບການອັນມີຄ່າຂອງ 60 ປີຜ່ານມາ ຕັ້ງໜ້າຊຸກຍູ້ສົ່ງເສີມມາດຕະການສໍາຄັນຕ່າງໆຂອງການ ຮ່ວມມືຈີນ-ລາວ ເມື່ອຕ້ອນຮັບວັນເວລາທີ່ສໍາຄັນ ແລະ ມີຄວາມໂຊກດີທີ່ໄດ້ມີໂອກາດ ເຂົ້າ ຮ່ວມ ການສ້າງສາຄູ່ຮ່ວມຊາຕາກໍາຈີນ-ລາວ ນີ້ ໂດຍຜ່ານໂທລະພາບແຫ່ງຊາດລາວ ພວກຂ້າ ພະເຈົ້າຂໍ ສະແດງຄວາມຂອບໃຈຢ່າງຈິງໃຈມາຍັງພັກ ລັດຖະບານ ແລະ ປະຊາຊົນລາວອ້າຍນ້ອງ ທີ່ໄດ້ສະ ໜັບສະໜູນການພັດທະນາຂອງຈີນຢ່າງໜັກແໜ້ນມາຕະຫຼອດ ຂໍສະແດງຄວາມຂອບ ໃຈຢ່າງ ຈິງໃຈມາຍັງບັນດາເພື່ອນມິດສະຫາຍລາວໃນວົງການຕ່າງໆ ແລະ ພີ່ນ້ອງຮ່ວມຊາດທັງຊາວລາວ ເຊື້ອສາຍຈີນ ແລະ ຈີນຕ່າງດ້າວ ທີ່ຍາມໃດກໍໄດ້ຕັ້ງໃຈສົ່ງເສີມມິດຕະພາບຈີນ-ລາວ ຂໍສະແດງ ຄວາມຂອບໃຈຢ່າງຈິງໃຈມາຍັງບັນດາກະຊວງ ອົງການ ແຕ່ສູນກາງຮອດທ້ອງຖິ່ນຂອງສອງປະ ເທດ ທີ່ໄດ້ຕັ້ງໜ້າກະກຽມຈັດກິດຈະກໍາຕ່າງໆເພື່ອສະຫຼອງປີມິດຕະພາບຈີນ-ລາວ ເນື່ອງໃນ ໂອກາດອັນສະຫງ່າລາສີນີ້ ກໍຂໍອະນຸຍາດໃຫ້ຂ້າພະເຈົ້າຕາງໜ້າສະຖານທູດແຫ່ງ ສປ ຈີນ ປະຈໍາ ສປປ ລາວ ສະແດງຄວາມຊົມເຊີຍອັນອົບອຸ່ນ ແລະ ຄວາມອວຍພອນໄຊອັນປະເສີດມາຍັງບັນ ດາສະຫາຍ.

60 ປີ ຜ່ານມາ ຈີນ ແລະ ລາວໄດ້ພະຍາຍາມບາກບັ່ນສູ້ ຊົນ ແລະ ບັນລຸຜົນສໍາເລັດອັນ ຈົບງາມ ສາຍພົວພັນສອງຝ່າຍໄດ້ຮັບການຍົກສູງຂຶ້ນຢ່າງຕໍ່ເນື່ອງ ໃນປີ 2000 ຈີນ ແລະ ລາວ ໄດ້ສ້າງ ຕັ້ງສາຍພົວພັນຮ່ວມມືຮອບດ້ານທີ່ໝັ້ນຄົງຍາວນານ ໄມຕີຈິດຖານບ້ານໃກ້ເຮືອນຄຽງ ແລະ ໄວ້ເນື້ອເຊື່ອໃຈກັນ ໃນປີ 2009 ໄດ້ຍົກລະດັບເປັນສາຍພົວພັນຄູ່ຮ່ວມຍຸດທະສາດຮອບດ້ານ ໃນປີ 2017 ສອງຝ່າຍໄດ້ຕົກລົງກັນຢ່າງເອກະພາບໃນການສ້າງຄູ່ຮ່ວມຊາຕາກໍາທີ່ມີຄວາມໝາຍ ຍຸດ ທະສາດ ໃນປີ 2019 ໄດ້ເລີ່ມຕົ້ນປະຕິບັດແຜນແມ່ບົດວ່າດ້ວຍການສ້າງຄູ່ຮ່ວມຊາຕາ ກໍາຈີນ-ລາວ ການຮ່ວມມືແທດຕົວ ຈິງ ໄດ້ ແຕກດອກອອກຜົນໃນຫຼາຍດ້ານ ໃນພຽງແຕ່ 30 ປີຜ່ານມາ ການລົງທຶນຂອງຈີນຢູ່ລາວກໍໄດ້ເພີ່ມຂຶ້ນ 70 ເທົ່າ ການຄ້າສອງຝ່າຍໄດ້ເພີ່ມຂຶ້ນ 230 ເທົ່າ ການເຊື່ອມໂຍງເຂົ້າກັນທາງດ້ານຄົມມະນາຄົມ ແລະ ການຄ້າໄດ້ມີການພັດທະນາຢ່າງກ້າວ ກະໂດດ ທາງລົດໄຟຈີນ-ລາວ ທີ່ທັນສະໄໝຈະສ້າງສໍາເລັດໃນທ້າຍປີນີ້ ທາງດ່ວນສາຍທໍາອິດ ຂອງລາວໄດ້ເປີດນໍາໃຊ້ຢ່າງເປັນທາງການແລ້ວ.

ການແລກປ່ຽນລະຫວ່າງປະຊາຊົນມີການພັດທະນາຢ່າງບໍ່ຢຸດຢັ້ງ ໃນປີ 2019 ນັກທ່ອງທ່ຽວຈີນ ທີ່ມາທ່ຽວປະເທດລາວຫຼາຍກວ່າໜຶ່ງລ້ານຄົນ ເພີ່ມຂຶ້ນ 100 ເທົ່າ ເມື່ອທຽບໃສ່  30ປີ ກ່ອນ ນັກສຶກສາລາວທີ່ໄປຮຽນຢູ່ຈີນມີຈໍານວນ 15.000 ຄົນ ເຊິ່ໄດ້ຈັດຢູ່ອັນດັບທີ່  8 ຂອງໂລກໃນຈໍາ ນວນນັກສຶກສາຕ່າງປະເທດທີ່ຮຽນຢູ່ ສປ ຈີນ.

60 ປີ ຜ່ານມາ ຈີນ ແລະ ລາວ ໄດ້ຮ່ວມທຸກຮ່ວມສຸກ ຮັກແພງ ແລະ ເຂົ້າໃຈເຊິ່ງກັນ ແລະ ກັນ ການຊີ້ນຳແບບຍຸດທະສາດຂອງການນຳຂັ້ນສູງເປັນຄວາມຮັບປະກັນພື້ນຖານຕໍ່ການພັດທະນາສາຍພົວພັນລະຫວ່າງ ຈີນ-ລາວ ໃນພາລະກິດປະຕິວັດປົດປ່ອຍຊາດຂອງສອງປະເທດ ການນຳ ລຸ້ນອາວຸໂສ ຄື ສະ ຫາຍ ເໝົາເຈີຕົ້ງ ກັບ ສະຫາຍ ໄກສອນ ພົມວິຫານ ແລະ ອຶ່ນໆ ໄດ້ຜູກມັດໄມ ຕີ ຈິດມິດຕະພາບອັນເລິກເຊິ່ງ ແລະ ສ້າງພື້ນຖານອັນແໜ້ນແກ່ນໃຫ້ແກ່ມິດຕະພາບຈີນ-ລາວ ໃນເວລາກ້າວເຂົ້າສູ່ສະໄໝໃໝ່ ສະຫາຍ ສີຈິ້ນຜິງ ເລຂາທິການໃຫຍ່ ປະທານປະເທດແຫ່ງ ສປ ຈີນ ກໍມີການພົບປະປະຈຳປີກັບການນຳສູງສຸດຂອງພັກ-ລັດລາວ ການພົບປະທີເປັນປະຈຳລະ ຫວ່າງການນຳຂັ້ນສູງສຸດຂອງສອງພັກ-ລັດ ຈີນ-ລາວ ໄດ້ເປັນການຂັບເຄື່ອນນຳພາຕໍ່ການຮ່ວມ ມືຍຸດທະສາດຮອບດ້ານລະຫວ່າງຈີນ-ລາວ ນັບແຕ່ກອງປະຊຸມໃຫຍ່ ຄັ້ງທີ 11 ຂອງພັກປະ ຊາຊົນປະຕິວັດລາວເປັນຕົ້ນມາ ສະຫາຍເລຂາທິການໃຫຍ່ ສີ ຈິ້ນຜິງ ກັບ ສະຫາຍເລຂາທິ ການໃຫຍ່ ທອງລຸນ ສີສຸລິດ ໄດ້ສົນທະນາທາງໂທລະສັບທີ່ສຳຄັນ ແລະ ຮັກສາການປະສານ ກັນຢ່າງໃກ້ຊິດ ເຊິ່ງໄດ້ເປີດສັງກາດໃໝ່ໃຫ້ແກ່ການສ້າງຄູ່ຮ່ວມຊາຕາກຳຈີນ-ລາວ.

ການສະໜັບສະໜູນຕໍ່ກັນຢ່າງຈິງໃຈເປັນເສົາຄ້ຳອັນໜັກແໜ້ນໃຫ້ແກ່ສາຍພົວພັນຈີນ-ລາວ ທີ່ຈະສືບຕໍ່ພັດທະນາໄປຢ່າງແໜ້ນແຟ້ນ ພວກຂ້າພະເຈົ້າຂໍສະແດງຄວາມຂອບໃຈຢ່າງສຸດອົກ ສຸດໃຈຕໍ່ຝ່າຍລາວທີ່ໄດ້ໃຫ້ການສະໜັບສະໜູນຢ່າງໜັກແໜ້ນໃນບັນດາບັນຫາສຳຄັນທີ່ກ່ຽວພັນເຖິງສິດຜົນປະໂຫຍດຂອງຈີນຝ່າຍຈີນຈະຍຶດໝັ້ນການຮ່ວມມືຕ່າງຝ່າຍຕ່າງມີຜົນປະໂຫຍດເພື່ອຊ່ວຍເຫຼືອຝ່າຍລາວຍົກສູງຄວາມສາ ມາດພັດທະນາດ້ວຍຕົນເອງ.

ຄວາມສາມັກຄີສູ້ຊົນຮ່ວມກັນເປັນກຳລັງແຮງຊຸກຍູ້ທີ່ບໍ່ເຫືອດແຫ້ງໃຫ້ແກ່ການພັດທະນາສາຍ ພົວພັນຈີນ-ລາວ  ຈີນກັບລາວມີລະບອບການເມືອງຄືກັນແລະ ເສັ້ນທາງພັດທະນາຄ້າຍຄືກັນ ໃນຂະບວນການຊຸກຍູ້ພາລະກິດສັງຄົມນິຍົມທີ່ມີສີສັນພິເສດຂອງໃຜລາວ  ສອງຝ່າຍໄດ້ຖອດ ຖອນບົດຮຽນ ແລະ ຊ່ວຍ ເຫຼືອເຊິ່ງກັນ ແລະ ກັນ ຊຸກຍູ້ການສ້າງຄູ່ຮ່ວມຊາຕາກຳຈີນ-ລາວ ກ້າວ ຂຶ້ນສູ່ລະດັບໃໝ່ ແລະ ມີການກ້າວກະໂດດອັນຍິ່ງໃຫຍ່.

ໃນ 60 ປີ ທີ່ຜ່ານມາ ຈີນ ແລະ ລາວໄດ້ຮ່ວມກັນຜ່ານຜ່າຄວາມຫຍຸ້ງຍາກຕ່າງໆ ແລະ ພ້ອມກັນ ມອງໜ້າໄປສູ່ອະນາຄົດ ພັກກອມມູນິດຈີນຈະຕ້ອນຮັບການສ້າງຕັ້ງຂຶ້ນຄົບຮອບ 100 ປີ ໃນເວລາໃກ້ໆນີ້ ປະຊາຊົນຈີນກຳລັງເປີດສັງກາດໃໝ່ແຫ່ງການສ້າງປະເທດສັງຄົມນິຍົມທັນສະ ໄໝຢ່າງຮອບດ້ານ ພັກປະ ຊາຊົນປະຕິວັດລາວກຳລັງສຸມທຸກກຳລັງເພື່ອຊຸກຍູ້ຈັດຕັ້ງປະຕິບັດ ແຜນການ 5 ປີ ຄັ້ງທີ 9 ປະຊາຊົນລາວກໍາລັງກ້າວເຂົ້າສູ່ໄລຍະໃໝ່ແຫ່ງການຫັນເປັນອຸດ ສາຫະກຳສັງຄົມນິຍົມ 60 ປີ ໝູນວຽງມາຮອດປັດຈຸບັນ ທຸກສິ່ງທຸກຢ່າງມີການປ່ຽນແປງໃໝ່ ປະຈຸບັນ ສາຍພົວພັນ ຈີນ-ລາວໄດ້ກ້າວເຂົ້າສູ່ໄລຍະດີທີ່ສຸດໃນປະຫວັດ ສາດ ແລະ ຈະສືບ ຕໍ່ຕ້ອນຮັບອະນາຄົດອັນຈົບ ງາມ ພວກຂ້າພະເຈົ້າຍິນດີຮ່ວມກັນກັບຝ່າຍລາວ ລົງເລິກແລກປ່ຽນ ບົດຮຽນການຄຸ້ມຄອງພັກ ແລະບໍລິຫານລັດ ພ້ອມກັນຍຶດໝັ້ນເສັ້ນທາງສັງຄົມນິຍົມໃຫ້ດີ ປັບ ປຸງລະບອບສັງຄົມນິຍົມໃຫ້ດີ ແລະ ພັດທະນາພາລະກິດສັງຄົມນິຍົມໃຫ້ດີ.

ພວກຂ້າພະເຈົ້າຍິນດີ ພ້ອມກັບຝ່າຍລາວ ເປີດກວ້າງການຮ່ວມມືຮອບດ້ານ ຊຸກຍູ້ໃຫ້ຂໍ້ລິເລີ່ມ “ຫນຶ່ງແລວໜຶ່ງເສັ້ນທາງ “ເຊື່ອມໂຍງກັບ” ຍຸດທະສາດການຫັນປະເທດບໍ່ມີຊາຍແດນຕິດກັບ ທະເລມາເປັນປະເທດທີ່ມີທາງອອກສູ່ທະເລ”ຂອງລາວ ເລັ່ງລັດການສ້າງແລວເສດຖະກິດຈີນ -ລາວ ເພື່ອສ້າງພື້ນຖານວັດຖຸອັນຫນັກແຫນ້ນໃຫ້ແກ່ສາຍພົວພັນລະຫວ່າງຈີນ-ລາວ ພວກ ຂ້າພະເຈົ້າຍິນດີຈະເພີ່ມທະວີການປະ ສານສົມທົບກັບຝ່າຍລາວໃນກິດຈະກຳສາກົນ ແລະ ເຂດແຄວ້ນ ພ້ອມກັນປົກປັກຮັກສາລັດທິຫຼາຍຝ່າຍ ແລະ ຄວາມຍຸດຕິທຳສາກົນຢ່າງແທ້ຈິງ ເຮັດໃຫ້ພຶດຕິກຳແຫ່ງການສ້າງຄູ່ຮ່ວມຊາຕາກຳລະຫວ່າງຈີນ-ລາວອຸດົມສົມບຸນຂຶ້ນເລື້ອຍໆເພື່ອປະກອບສ່ວນອັນຕັ້ງໜ້າເຂົ້າໃນການຊຸກຍູ້ສ້າງສາປະຊາຄົມຮ່ວມຊາຕາກຳມວນມະນຸດ.

ປະຈຸບັນປະຊາຊົນລາວກຳລັງສູ້ຊົນຕ້ານກັບການລະບາດຂອງພະຍາດ ໂຄວິດ-19 ໃນຮອບໃໝ່ ການລະບາດຂອງພະຍາດໂຄວິດ-19 ໃນຮອບນີ້ມີທ່າອ່ຽງຮ້າຍແຮງ ລະບາດໄວ ຕອບໂຕ້ຍາກ ແລະ ມີຜົນກະທົບກວ້າງຂວາງ ພວກຂ້າພະເຈົ້າເຫັນວ່າພັກແລະລັດຖະບານລາວໄດ້ນຳໃຊ້ ມາດຕະການທຸກອັນທີ່ທັນການ ແລະ ເດັດຂາດລວມທັງການປິດນະຄອນຫລວງວຽງຈັນ ໂດຍອີງຕາມການກຳນົດປ້ອງກັນການລະບາດຂອງພະຍາດໂຄວິດ-19 ທັງສອງຝ່າຍໄດ້ຕົກລົງ ໂຈະການສະເຫຼີມສະຫຼອງການພົວພັນການທູດຄົບຮອບ 60 ປີ ທີ່ວັນທີ 23 ເມສາ ໃນແຜນ ໃນຖານະທີ່ເປັນຄູ່ຮ່ວມຊາຕາກໍາທີ່ຄຽງບ່າຄຽງໄລ ແລະ ໃຫ້ການຊ່ວຍເຫຼືອເຊິ່ງກັນ ແລະ ກັນຕະ ຫຼອດມາ ພວກຂ້າພະເຈົ້າຈະຕັ້ງໜ້າຈັດຕັ້ງປະຕິບັດການຕົກລົງ ທີ່ເປັນເອກກະພາບກັນຂອງເລ ຂາ ທິການໃຫຍ່ສອງພັກ ສືບຕໍ່ສະຫນັບສະໜູນການຕໍ່ສູ້ຕ້ານກັບການລະບາດຂອງພະຍາດ ໂຄວິດ-19 ພະຍາຍາມສະໜອງວັກຊິນເປັນ ຄັ້ງທີ 3 ໃຫ້ແກ່ຝ່າຍລາວ ພ້ອມກັນນີ້ ພວກຂ້າ ພະເຈົ້າຂໍສະແດງຄວາມຂອບອົກຂອບໃຈຢ່າງຈິງໃຈມາຍັງຝ່າຍລາວທີ່ໄດ້ມີການຈັດແຜນດ່ວນທີ່ສັກວັກຊິນແບບບໍ່ເສຍຄ່າໃຫ້ແກ່ພົນລະເມືອງຈີນທີ່ດຳລົງຊີວິດຢູ່ລາວທີ່ມີຄວາມສ່ຽງສູງ ເຊິ່ງໄດ້ ສະແດງໃຫ້ເຫັນເຖິງນໍ້າໃຈທີ່ເປັນຄູ່ຮ່ວມຊາຕາກຳລະຫວ່າງຈີນ-ລາວ ແລະ ກໍເປັນການປະກອບ ສ່ວນອັນເປັນຮູບປະທຳໃຫ້ແກ່ການສ້າງປະຊາຄົມຮ່ວມສາທາລະນະສຸກຂອງມວນມະນຸດ.

ພວກຂ້າພະເຈົ້າເຊື່ອໝັ້ນວ່າ ດ້ວຍການນໍາພາອັນໜັກແໜ້ນເຂັ້ມແຂງຂອງພັກ-ລັດ ທ່າແຮງອັນ ພົ້ນເດັ່ນຂອງລະບອບສັງຄົມນິຍົມ ແລະ ຄວາມສາມັກຄີເປັນຈິດໜຶ່ງໃຈດຽວ ປະຊາຊົນລາວອ້າຍ ນ້ອງແນ່ນອນຈະສາມາດຜ່ານຜ່າຄວາມຫຍຸ້ງຍາກທຸກປະການໄດ້ ແລະ ມີອະນາຄົດອັນຈົບງາມ ພວກຂ້າພະເຈົ້າຂໍລໍ ຄອຍການພົບປະສັງສັນຮ່ວມກັນ ສະເຫຼີມສະຫຼອງການສ້າງສາຍພົວພັນ ການທູດຈີນ-ລາວຄົບຮອບ 60 ປີ ແລະ ປີມິດຕະພາບຈີນ-ລາວ ເພື່ອອວຍພອນໃຫ້ມິດພະພາບ ລະຫວ່າງຈີນ-ລາວ ຈົ່ງໝັ້ນຄົງທະນົງແກ່ນ ສອງປະເທດຈີນ-ລາວ ຈົ່ງຈະເລີນຮຸ່ງເຮືອງ ແລະ ປະ ຊາຊົນສອງຊາດຈີນ-ລາວຈົ່ງມີຄວາມ.

error: Content is protected !!