ມື້ນີ້ກວດພົບຜູ້ຕິດເຊື້ອໂຄວິດ-19 ຢູ່ ນວ 2 ກໍລະນີ ແລະ ສະຫວັນນະເຂດ 2 ກໍລະນີ

    ທ່ານ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂຣກສາຍພັນໃໝ່ COVID-19 ຖະແຫຼງຂ່າວປະຈຳວັນ ກ່ຽວກັບການແຜ່ບາດຂອງພະຍາດ COVID-19 ໃນທົ່ວໂລກ ແລະ ຢູ່ສປປ ລາວ ໃນວັນທີ 11 ມິຖຸນາ 2021 ຢູ່ກະຊວງສາທາລະນະສຸກ ເຊິ່ງທົ່ວໂລກມີຜູ້ຕິດເຊື້ອໂຄວິດ-19 ສະສົມທັງໝົດ 175.586.6644 ຄົນ  (ໃໜ່ 416.724 ຄົນ)  ເສຍຊີວິດສະສົມ 3.787.482 ຄົນ (ໃໝ່ 10.671 ຄົນ) ແລະ ປີ່ນປົວຫາຍດີ 159.439.615 ຄົນ ສຳລັບ 3 ປະເທດທີ່ມີຜູ້ຕິດເຊື້ອ ແລະ ເສຍຊິວິດຫຼາຍກວ່າໝູ່ໃນໂລກ ແມ່ນສະຫະລັດອາເມຣິກາ ອິນເດຍ ແລະ ບຣາຊິນ.

    ໃນວັນທີ 10 ມິຖຸນາ 2021 ໄດ້ເກັບຕົວຢ່າງມາກວດວິເຄາະທັງໝົດ 1.826 ຕົວຢ່າງ ໃນນັ້ນ ກວດພົບຜູ້ຕິດເຊື້ອໃໝ່ 4 ກໍລະນີ ໃນນີ້ ຈາກນະຄອນຫຼວງວຽງຈັນ 2 ກໍລະນີ ແມ່ນຜູ້ສຳຜັດໃກ້ຊິດກັບຜູ້ຕິດເຊື້ອເກົ່າ ແລະ ແຂວງສະຫວັນນະເຂດ 2 ກໍລະນີ ແມ່ນແຮງງານລາວທີ່ກັບມາຈາກປະເທດໄທ ໂດຍຖືກຕ້ອງຕາມກົດໝາຍ.

    ມາຮອດປັດຈຸບັນ ຢູ່ສປປ ລາວ ມີຈໍານວນຜູ້ຕິດເຊື້ອສະສົມທັງໝົດ 1.979 ຄົນ (ໃໝ່ 4 ກໍລະນີ) ສ່ວນຄົນເຈັບເສຍຊີວິດຍັງຄົງ 3 ກໍລະນີ (ໃໝ່ 0) ປີ່ນປົວຫາຍດີທັງໝົດ 1.827 ກໍລະນີ ແລະ ກໍາລັງປິ່ນປົວ 149 ກໍລະນີ ສຳລັບບ້ານແດງຢູ່ໃນນະຄອນຫຼວງວຽງຈັນ ມີທັງໝົດ 17 ບ້ານ ໃນ 6 ເມືອງ ແລະ ບ້ານໃໝ່ທີ່ກຳນົດເປັນບ້ານເຂດແດງໃນວັນທີ 10 ມິຖຸນາ 2021 ແມ່ນບໍ່ມີບ້ານເຂດແດງໃໝ່.

# ຂ່າວ & ພາບ: ຊິລິການດາ

error: Content is protected !!