ປະກາດການຈັດຕັ້ງ ແລະ ເລື່ອນຊັ້ນ ໃຫ້ນາຍ ແລະ ພົນທະຫານ

    ວັນທີ 7 ຕຸລາ 2021 ທີ່ກອງພັນ 410 ເມືອງຫົງສາ ແຂວງໄຊຍະບູລີ ຈັດພິທີປະກາດການຈັດຕັ້ງ ແລະ ເລື່ອນຊັ້ນໃຫ້ນາຍທະຫານຂອງກອງພັນ 410 ແລະ ກອງຮ້ອຍສາຍແດນ 153 ໂດຍມີທ່ານ ພັນເອກ ດາວນ້ອຍ ບຸດບົວທອງ ກຳມະການພັກແຂວງ ຫົວໜ້າການເມືອງ ກອງບັນຊາການທະຫານແຂວງໄຊຍະບູລີ ທ່ານ ຄໍາຫຼ້າ ຜີວວັນນາ ເລຂາພັກເມືອງ ເຈົ້າເມືອງຫົງສາ ມີກົມກອງ ຄະນະພັກ ຄະນະບັນຊາ ພະນັກງານນັກຮົບກອງທັບ 410 ແລະ ກອງຮ້ອຍຊາຍແດນ 153 ເຂົ້າຮ່ວມ.

    ໃນພິທີ ທ່ານ ພັນໂທ ຂົ່ວເນັງ ຊົງ ຄະນະພັກ ຮອງຫົວໜ້າການເມືອງກອງບັນຊາການທະຫານແຂວງໄຊຍະບູລີ ຂຶ້ນຜ່ານຂໍ້ຕົກລົງສະບັບເລກທີ 4245 / ກປທ ລົງວັນທີ 15 ກັນຍາ 2021 ວ່າດ້ວຍການເລື່ອນຊັ້ນໃຫ້ນາຍທະຫານຢູ່ກອງບັນຊາການທະຫານແຂວງໄຊຍະບູລີ ກະຊວງປ້ອງກັນປະເທດ ຕົກລົງເຫັນດີ ເລື່ອນຊັ້ນໃຫ້ທ່ານ ພັນຕີ ໄມ່ໄຊ ແກ້ວແກ່ນຈັນ ຫົວໜ້າການການທະຫານ ກອງພັນ 410 ຂື້ນຊັ້ນ ພັນໂທ ແລະ ຮັບຟັງຄໍາສັ່ງຍົກຍ້າຍພະນັກງານ ສະບັບເລກທີ 608/ ລບຊ ລົງວັນທີ 24 ສິງຫາ 2021 ກອງບັນຊາການທະຫານແຂວງຕົກລົງເຫັນດີໃຫ້ທ່ານ ພັນຕີ ທອງວັນ ວົງສິງຄໍາ ຫົວໜ້າການທະຫານ ກອງຮ້ອຍທະຫານຊາຍແດນ 153 ໄປປະຈໍາການຢູ່ຫ້ອງການເມືອງ ກອງບັນຊາການທະຫານແຂວງ ຂໍ້ຕົກລົງຂອງກອງບັນຊາການທະຫານແຂວງ ສະບັບເລກທີ 304 ວ່າດ້ວຍການແຕ່ງຕັ້ງທ່ານ ຮ້ອຍເອກ ທະນົງສັກ ລັດຕະນະວົງ ເປັນຫົວໜ້າການທະຫານ ກອງຮ້ອຍທະຫານຊາຍແດນ 153 ພ້ອມທັງຜ່ານມະຕິຕົກລົງຂອງຄະນະພັກ ກອງບັນຊາການທະຫານແຂວງ ວ່າດ້ວຍການບົ່ງຕົວແຕ່ງຕັ້ງທ່ານ ຮ້ອຍເອກ ທະນົງສັກ ລັດຕະນະວົງ ເປັນຮອງເລຂາໜ່ວຍພັກ ກອງຮ້ອຍທະຫານຊາຍແດນ 153.

    ໂອກາດນີ້ ທ່ານ ພັນເອກ ດາວນ້ອຍ ບຸດບົວທອງ ໄດ້ກ່າວສະແດງຄວາມຊົມເຊີຍຕໍ່ກັບຜົນງານທີ່ຍາດມາໄດ້ໃນໄລຍະຜ່າມາ ແລະ ໄດ້ເນັ້ນໜັກໃຫ້ຜູ້ທີ່ໄດ້ຮັບຊັ້ນໃໝ່ ແລະ ຜູ້ທີ່ໄດ້ຮັບການບົ່ງຕົວແຕ່ງຕັ້ງຄັ້ງນີ້ ຈົ່ງພ້ອມກັັນສືບຕໍ່ເອົາໃຈໃສ່ຕັ້ງໜ້າປະຕິບັດວຽກງານໃຫ້ມີຜົນສໍາເລັດ ມີແຜນວຽກ ແຜນງານຢ່າງລະອຽດ ເຮັດວຽກເປັນໝູ່ຄະນະ ແບບລວມສູນປະຊາທິປະໄຕ  ມີຄວາມສາມັກຄີພາຍໃນ ພາຍນອກຢ່າງແໜ້ນແຟ້ນ ເພື່ອເຮັດໃຫ້ວຽກງານດັ່ງກ່າວມີຜົນສໍາເລັດ ແລະ ພັດທະນາທີ່ດີຂຶ້ນ.

# ຂ່າວ & ພາບ : ບຸນມີ

error: Content is protected !!