ສະພາການຄ້າ ສປຈີນ ມອບເງິນປະກອບສ່ວນວຽກງານການຕ້ານ ແລະ ສະກັດກັ້ນໂຄວິດ-19

    ວັນທີ 13 ຕຸລາ 2021 ທີ່ພະແນກສາທາລະນະສຸກແຂວງຫຼວງພະບາງ ສະພາການຄ້າ ສປ ຈີນ ແຂວງຫຼວງພະບາງ ນໍາໂດຍ ທ່ານ ຕຽວມີງ ຮອງຫົວໜ້າກົງສູນໃຫຍ່ ສປ ຈີນ ປະຈໍາພາກເໜືອ ໄດ້ມອບເງິນໃຫ້ຄະນະສະເພາະກິດແຂວງຫຼວງພະບາງ ເພື່ອຊ່ວຍເຫຼືອເຂົ້າໃນວຽກງານຕ້ານການລະບາດຂອງພະຍາດໂຄວິດ-19 ທັງໝົດ 123.000.000 ກີບ ໃນນັ້ນ ມອບໃຫ້ຫ້ອງວ່າການປົກຄອງນະຄອນຫຼວງພະບາງ 53.600.000 ກີບ ມອບໃຫ້ຫ້ອງວ່າການປົກຄອງແຂວງຫຼວງພະບາງ 33.600.000 ກີບ ມອບໃຫ້ຄະນະສະເພາະກິດການຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຂັ້ນແຂວງ 33.600.000 ກີບ ມອບໃຫ້ກອງບັນຊາການປ້ອງກັນຄວາມສະຫງົບ 33.600.000 ກີບ ພ້ອມດຽວກັນນັ້ນ ຄອບຄົວຂອງນາງ ຄໍາພັນ ບ້ານ ນາຊາງ ນະຄອນ-ຫຼວງພະບາງ ໄດ້ນໍາເອົານໍ້າດື່ມຫົວເສືອ 100 ແພັກ ຄິດເປັນມູນຄ່າ 2.000.000 ກວ່າກີບ ມອບໃຫ້ຄະນະສະເພາະກິດຂັ້ນແຂວງ ຕາງໜ້າຮັບໂດຍ ທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ຫົວໜ້າຄະນະສະເພາະກິດເພື່ອປ້ອງກັນ ຄວບຄຸມ ແລະແກ້ໄຂການລະບາດພະຍາດໂຄວິດ-19 ຂັ້ນແຂວງ ແລະເຈົ້ານະຄອນຫຼວງພະບາງ ພ້ອມດ້ວຍຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຂັ້ນແຂວງທີ່ເຂົ້າຮ່ວມ.

# ຂ່າວ & ພາບ : ວຽງມາ

error: Content is protected !!