ປຶກສາຫາລືການດໍາເນີນທຸລະກິດໃນພາວະການລະບາດພະຍາດໂຄວິດ-19

    ກອງປະຊຸມພົບປະຜູ້ປະກອບການທຸລະກິດໂຮງແຮມ ແລະ ຮ້ານອາຫານ ຈັດຂຶ້ນວັນທີ 12 ພະຈິກ 2021 ທີ່ຮ້ານອາຫານປະຕູໄຊ ເປັນປະທານຮ່ວມຂອງທ່ານ ປະກາສິດ ຈັນທະປັນຍາ ປະທານສະມາຄົມໂຮງແຮມ ແລະ ຮ້ານອາຫານ ແລະ ທ່ານ ສັງຄົມ ຈັນສຸກ ປະທານສະພາການຄ້າ ແລະ ອຸດສາຫະກໍານະຄອນຫຼວງວຽງຈັນ ມີທ່ານ ຄໍາຄູນ ໃບລາຕຣີ ຮອງຫົວໜ້າພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນ ພ້ອມດ້ວຍຜູ້ປະກອບການທຸລະກິດໂຮງແຮມ ແລະ ຮ້ານອາຫານເຂົ້າຮ່ວມ.

     ຈຸດປະສົງກອງປະຊຸມຄັ້ງນີ້ ເພື່ອເຕົ້າໂຮມຄວາມສາມັກຄີ ທັງເປັນການປຶກສາຫາລືກັບຜູ້ປະກອບການ ແລະ ຖອດຖອນບົດຮຽນການດໍາເນີນທຸລະກິດໃນພາວະການລະບາດຂອງໂຄວິດ-19 ນອກນັ້ນ ເພື່ອທາບທາມ ແລະ ຄັດເລືອກຜູ້ສະໝັກເປັນຄະນະບໍລິຫານຊຸດໃໝ່ ເຊິ່ງພາຍໃນກອງປະຊຸມ ໄດ້ຍົກຫົວຂໍ້ການສົນທະນາຄື: ສະຖານະການຂອງການແຜ່ລະບາດພະຍາດໂຄວິດ-19 ຜົນກະທົບຂອງທຸລະກິດໂຮງແຮມ ແລະ ຮ້ານອາຫານ ບາງຕົວຢ່າງໃນການບໍລິຫານຈັດການທຸລະກິດໃນພາວະວິກິດ ການສ້າງຄວາມເຂັ້ມແຂງໃຫ້ກັບທຸລະກິດໂຮງແຮມ ແລະ ຮ້ານອາຫານ ແຜນດໍາເນີນງານຂອງສະມາຄົມໂຮງແຮມ – ຮ້ານອາຫານ ແລະ ທາບທາມຜູ້ສະໝັກເປັນຄະນະບໍລິຫານງານຊຸດໃໝ່.

# ຂ່າວ & ພາບ :  ຂັນທະວີ  

error: Content is protected !!