ສູນປິ່ນປົວຄົນເຈັບທີ່ຕິດເຊື້ອໂຄວິດ-19 ມຊ ປິດໃຫ້ບໍລິການແລ້ວ

    ສູນຈຳກັດບໍລິເວນ ເຂດມະຫາວິທະຍາໄລແຫ່ງຊາດ (ມຊ) ໂດຍໄດ້ກຳນົດເອົາສະໂມສອນເທຄວັນໂດ ສະໂມສອນກະຕໍ້ ແລະ ສະໂມສອນກີລາໃນຮົ່ມ ໄດ້ຖືກຮອງຮັບນໍາໃຊ້ເປັນສູນຈຳກັດບໍລິເວນ (14 ວັນ ຕາມຄະນະສະເພາະກິດກຳນົດໄວ້) ຂອງແຮງງານລາວທີ່ກັບມາຈາກປະເທດໃກ້ຄຽງ ໃນວັນທີ 6 ສິງຫາ ປີ 2021 ພາຍໃຕ້ການຊີ້ນຳຂອງທ່ານ ດາວເພັດ ອາລຸນ ປະທານສະຫະພຳນກຳມະບານນະຄອນຫຼວງວຽງຈັນ ເຊິ່ງມີແຮງງານເຂົ້າມາຈຳກັດບໍລິເວນປະມານ 317 ຍິງ 167 ຄົນ.

    ພາຍຫຼັງແຮງງານລາວທີ່ກັບມາຈາກປະເທດໃກ້ຄຽງເລີ່ມຫຼຸດລົງ ແຕ່ການຕິດເຊື້ອພາຍໃນນັບຫຼາຍຂຶ້ນເຮັດໃຫ້ສະຖານທີ່ປິ່ນປົວບໍ່ພຽງພໍ ດັ່ງນັ້ນ ມາຮອດວັນທີ 22 ກັນຍາຜ່ານມາ ຈຶ່ງໄດ້ປ່ຽນສູນດັ່ງກ່າວມາເປັນສູນປິ່ນປົວຄົນເຈັບທີ່ຕິດເຊື້ອໂຄວິດ-19 ເຊິ່ງສູນດັ່ງກ່າວສາມາດຮັບຄົນເຈັບໄດ້ປະມານ 980 ຄົນ ມີພະນັກງານແພດໝໍ ຈໍານວນ 10 ຄົນ ເຊິ່ງມາຈາກໂຮງຫມໍ 109 ແລະ ໂຮງຫມໍ 103.

    ປັດຈຸບັນສູນດັ່ງກ່າວໄດ້ປິດໃຫ້ບໍລິການປິ່ນປົວຄົນເຈັບທີ່ຕິດເຊື້ອໂຄວິດ-19 ຢ່າງເປັນທາງການແລ້ວ ເຊິ່ງຕະຫຼອດໄລຍະການນຳໃຊ້ສູນດັ່ງກ່າວ ໄດ້ມີທີມງານແພດໝໍ ເຈົ້າໜ້າທີ່ເພື່ອຊ່ວຍກວດກາຄວາມເປັນລະບຽບຮຽບຮ້ອຍພາຍໃນສູນ ກຳລັງປ້ອງກັນຊາດ ປ້ອງກັນຄວາມສະຫງົບ ແລະ ກຳລັງຊາວໜຸ່ມເຂົ້າໃນການປ້ອງກັນເວນຍາມ ປະກອບສ່ວນໃນການໂຄສະນາປະຊາສໍາພັນ ແລະ ແຈກຢາຍອາຫານ ຜ່ານການຈັດຕັ້ງປະຕິບັດເຫັນວ່າຮັກສາໄດ້ຄວາມເປັນລະບຽບຮຽບຮ້ອຍ.

.# ຂ່າວ & ພາບ : ອົ່ນ ໄຟສົມທອງ

error: Content is protected !!