ປະດັບຫຼຽນໃຫ້ສູນວັດທະນະທຳຫວຽດນາມ

    ວັນທີ 31 ມັງກອນ 2022 ພັກ-ລັດຖະບານແຫ່ງ ສປປ ລາວ ໄດ້ປະດັບຫຼຽນກາມິດຕະພາບໃຫ້ສູນວັດທະນະທຳຫວຽດນາມປະຈຳລາວ ແລະ ປະດັບຫຼຽນໄຊແຮງງານຊັ້ນ II ໃຫ້ທ່ານ ຫງວຽນ ຟຸກຊິງ ຫົວໜ້າສູນວັດທະນະທຳ ຕາງໜ້າມອບໂດຍທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໂດຍມີພາກສ່ວນກ່ຽວຂ້ອງເຂົ້າຮ່ວມ.

    ການປະດັບຫຼຽນໃນຄັ້ງນີ້ ເປັນການຍ້ອງຍໍຊົມເຊີຍຕໍ່ສູນວັດທະນະທຳຫວຽດນາມປະຈຳລາວ ແລະ ທ່ານ ຫງວຽນ ຟຸກຊິງ ທີ່ມີຜົນງານດີເດັ່ນ ປະກອບສ່ວນດ້ານເຫື່ອແຮງ ສະຕິປັນຍາ ເຂົ້າໃນການພົວພັນຮ່ວມມືຂົງເຂດວຽກງານຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ລະຫວ່າງ ຫວຽດນາມ-ລາວ ແລະ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງສູນວັດທະນະທຳຫວຽດນາມ ປະຈຳ ສປປ ລາວ ຄົບຮອບ 25 ປີ (31 ສິງຫາ 1995-31 ສິງຫາ 2020) ຜົນງານດັ່ງກ່າວ ເປັນການປະກອບສ່ວນອັນສຳຄັນໃນການເສີມຂະຫຍາຍສາຍພົວພັນມິດຕະພາບ ຄວາມສາມັກຄີພິເສດ ການຮ່ວມມືຮອບດ້ານ ລະຫວ່າງສອງພັກ ສອງລັດ ແລະ ປະຊາຊົນສອງຊາດ ລາວ-ຫວຽດນາມ.

.

 .# ຂ່າວ & ພາບ : ຂັນທະວີ

error: Content is protected !!