ລາວ-ທ໊ອບ ຄັດ​ໄດ້ 20 ນັກ​ເຕະ ພ້ອມ​ຊີງ​ໄຊ​ໃນ​ລາວ​ລີກ 2

    ສະໂມສອນ​ວິທະຍາໄລ ລາວ-ທ໊ອບ (ລາວ-ທ໊ອບ ເອ​​ັຟ​ຊີ) ຄັດ​ນັກ​ເຕະ​ໄດ້​ແລ້ວ 20 ຄົນ ທີ່​ຈະ ເຂົ້າ​ຮ່ວມ​ການ​ແຂ່ງຂັນ​ບານເຕະ ຄອມ​ມານ​ໂດ ລາວ​ລີກ 2 ປະຈຳ​ປີ 2020 ທີ່​ຈະ​ເປີດ​ສາກ​ຂຶ້ນ​ໃນ​ເດືອນ​ພຶດສະພາ 2020.

    ທ່ານ ພັນທະ​ວິໄລ ນວນ​ຮຸ່ນ ຮອງ​ຜູ້ອຳນວຍການ​ວິທະຍາໄລ ລາວ-ທ໊ອບ ປະທານ​ສະໂມສອນ ລາວ-ທ໊ອບ ເອ​​ັຟ​ຊີ ເປີດເຜີຍ​ເມື່ອ​ບໍ່​ດົນ​ມາ​ນີ້ ວ່າ: ຈຸດປະສົງ​ການ​ສົ່ງ​ທີມ​ເຂົ້າ​ຮ່ວມ​ການ​ແຂ່ງຂັນ ຄອມ​ມານ​ໂດ ລາວ​ລີກ 2 ເພື່ອ​ສົ່ງເສີມ​ກິດຈະກຳ​ພາຍ​ໃນ​ເຮັດ​ໃຫ້​ນັກຮຽນ​ມີ​ຄວາມ​ສາມັກຄີ ປັດຈຸບັນ​ສາມາດ​ຄັດ​ໄດ້​ແລ້ວ 20 ຄົນ ແລະ ຈະ​ຄັດ​ເອົາ​ອີກ 2 ຄົນ ກ່ອນ​ການ​ແຂ່ງຂັນ​ຈະ​ເລີ່ມ​ຂຶ້ນ ເຊິ່ງ​ພວກ​ເຮົາ​ຫວັງ​ຕິດ 1 ໃນ 4 ໃນ​ຕາຕະລາງ​ອັນ​ດັບ​ທີ​ໃຫ້​ໄດ້ ພ້ອມ​ນີ້​ຍັງ​ໄດ້​ເຊັນ​ສັນຍາ​ກັບ​ຜູ້​ສະໜັບສະໜູນ ຄື: ຮ້ານ​ຂາຍເຄື່ອງ​ກີລາ Ai Sports ອຸປະຖຳ​ເສື້ອ ແລະ ຖົງມື​ນັກ​ຮັບ ໃນ​ການ​ແຂ່ງຂັນ​ເປັນ​ເວລາ 1 ປີ.

    ສຳລັບ 20 ນັກ​ເຕະ ທີ່​ຜ່ານ​ການ​ຄັດ​ເລືອກ ປະກອບ​ມີ ສັນຕິ​ສຸກ ຄຳ​ຜາ​ນຸ​ວົງ ອາ​ນຸ​ກອນ ວັນນະ​ສີ ກິດ​ຕ້າ ນ້ອຍ​ຜີວພັນ ອຸດົມ​ຄຳ ສີວິໄລ ວົງ​ຍາ​ລັດ ຈັນ​ສຸດາ ຕິກ ແກ້ວ​ມາລາ​ຄຳ ພົມ​ມະ​ສອນ ສາງ​ແກ້ວ ໄຊ​ຍາ ມົນ​ລັງສີ ພອນ​ສະຫວັນ ພົມມະຈັນ ບຸນ​ຫຼົງ ວົງ​ພັນ ຄຳ​ພຸດ ວົງ​ພັກດີ ວິລະ​ກອນ ມະ ໂນ​ລົມ ພົມ​ສຸວັນ ອາທິດ ພິລາ​ສີ ເຊນ ຊິດ​ຕີ້ ອ່ອນ​ແກ້ວ ຄຳ​ສຸລິຍາ ຕາວັນ ລັດ​ວິຫານ ສີ​ປະກອນ ແລະ ຄຳ​ປັນຍາ.

    ສະໂມສອນ ລາວ​ທ໋ອບ ເອ​​ັຟ​ຊີ ສ້າງຕັ້ງ​ປີ 2018 ເຄີຍ​ເຂົ້າ​ຮ່ວມ​ການ​ແຂ່ງຂັນ​ບານເຕະ​ສາຍ​ກໍ ໃນ​ປີ 2018 ໂດຍ​ເປັນ​ອັນ​ດັບ 3 ກຸ່ມ A ລົງ​ແຂ່ງຂັນ 4 ນັດ ຊະນະ 1 ສະເໝີ 1 ເສຍ 2 ມີ 4 ຄະ ແນນ.

ຕິດຕໍ່ພວກເຮົາ