ຍົກເລີກ​ຈັດ​ງານ​ປະກາດ​ລາງວັນ​ນັກກີລາ-ຄູ​ເຝິກ​ດີເດັ່ນ​ປີ 2020

   ສະຫະພັນ​ບານເຕະ​ນາໆຊາດ ຫຼື ຟີ​ຟ່າ ປະກາດ​ຍົກເລີກ​ການ​ຈັດ​ງານ​ປະກາດ​ລາງວັນ​ດີເດັ່ນ​ຕ່າງໆ ໃນ​ວົງ​ການ​ບານເຕະ ປະຈຳ​ປີ 2020 ເນື່ອງ​ຈາກ​ການ​ລະບາດ​ຂອງ​ພະຍາດ​ໂຄ​ວິດ-19 ຕາມ​ກຳນົດ​ກ່ອນ​ໜ້າ​ນີ້ ຈະ​ຈັດ​ຂຶ້ນ​ຢູ່​ເມືອງ​ມິ​ລານ​ປະເທດ​ອິ​ຕາ​ລີ ໃນ​ເດືອນ​ກັນຍາ ແຕ່​ເພື່ອ​ຄວາມ​ປອດ​ໄພ​ຂອງ​ທຸກ​ຝ່າຍ​ຈຶ່ງ​ປະກາດ​ຍົກເລີກ​ຈັດ​ງານ ແລະ ໄປ​ຈັດ​ໃໝ່​ໃນ​ປີ​ຕໍ່​ໄປ.

   ກ່ອນ​ໜ້າ​ນີ້​ຟີ​ຟ້າ ໄດ້​ປະກາດ​ເລື່ອນ​ການ​ແຂ່ງຂັນ​ບານເຕະ​ຍິງ ຮຸ່ນ​ອາຍຸ​ບໍ່​ເກີນ 17 ປີ ແລະ 20 ປີ ຊີງ​ແຊັມ​ໂລກ 2020 ເລື່ອນ​ໄປ​ຈັດ​ປີ 2021 ແລະ ບໍ່​ຍົກເລີກ​ການ​ແຂ່ງຂັນ​ບານເຕະ​ຊີງ​ແຊັມ​ສະ ໂມ​ສອນ​ໂລກ ຫຼື FA Club World Cup 2020 ທີ່​ຈະ​ຈັດ​ຂຶ້ນ​ຢູ່​ປະເທດ​ກາ​ຕ້າ​ໃນ​ເດືອນ​ທັນວາ 2020.

ຕິດຕໍ່ພວກເຮົາ