ຫົວເຫວີຍ ປະສົບຜົນສໍາເລັດອັນຍິ່ງໃຫຍ່ໃນງານວາງສະແດງຜົນງານ

    ບໍລິສັດ ຫົວເຫວີຍ ໄດ້ມີສ່ວນຮ່ວມໃນພິທີໄຂກອງປະຊຸມໃຫຍ່ ຄັ້ງທີ II ຂອງອົງຄະນະພັກກະຊວງເຕັກໂນໂລຊີ ແລະ ການສື່ສານ ວັນ ທີ 4-5 ເມສາ 2022 ໂດຍການເປັນສ່ວນໜຶ່ງໃນການວາງສະແດງຜົນງານການຮ່ວມມືລະຫວ່າງບໍລິສັດ ຫົວເຫວີຍ ກັບ ກະຊວງເຕັກໂນໂລຊີ ແລະ ການສື່ສານ ໃນໄລຍະຜ່ານມາເຖິງປັດຈຸບັນ ເປັນເວລາຫຼາຍກວ່າ 24 ປີ ທີ່ບໍລິສັດ ຫົວເຫວີຍ ໄດ້ຮ່ວມມືກັບກະຊວງເຕັກໂນໂລຊີ ແລະ ການສື່ສານ ເຊິ່ງຜ່ານມາ ວຽກງານເຕັກໂນໂລຊີດ້ານ ICT ຂອງຫົວເຫວີຍ ສາມາດມາດຊ່ວຍຊຸກຍູ້ ແລະ ສະໜັບສະໜູນໃຫ້ ສປປ ລາວ ໃນການຫັນເປັນດີຈີຕອນໄດ້ໄວຂຶ້ນ. 

    ງານວາງສະແດງຄັ້ງນີ້ ຫົວເຫວີຍ ໄດ້ນໍາສະເໜີວີດີໂອຜົນງານຮ່ວມກັບກະຊວງເຕັກໂລຊີ ແລະ ການສື່ສານ ໂດຍສະເພາະໃນຂະແໜງໂທລະຄົມມະນາຄົມ ເປັນຕົ້ນ ການມີບົດບາດສໍາຄັນໃນການສ້າງ ສັນຍານເຄືອຂ່າຍ 2G (ປີ 1999) 3G (ປີ2008) 4G (ປີ 2012) ແລະ 5G trial (2020) ເປັນຄັ້ງທໍາອິດໃນລາວ ລວມທັງການສົ່ງເສີມດ້ານການສຶກສາ ຜ່ານໂຄງການ “ແກ່ນພັນເພື່ອອະນາຄົດ (Seed for the future)” ຫົວເຫວີຍ ໄດ້ສົ່ງນັກຮຽນລາວໄປເຝິກອົບຮົມດ້ານໄອຊີທີຢູ່ປະເທດຈີນ ແລະ ກິດຈະກໍາສົ່ງເສີມການຈັດເຝິກອົບຮົມໃຫ້ຂະແໜງການສຶກສາໄອຊີທີຢູ່ລາວເປັນປະຈໍາທຸກເດືອນ. 

    ຫົວເຫວີຍ ໄດ້ໃຫ້ການບໍລິການແກ້ໄຂບັນຫາດ້ານດີຈີຕອນ ສະໜັບສະໜູນຊຸດອຸປະກອນວີດີໂອປະຊຸມທາງໄກໃຫ້ກົມຕ່າງໆຂອງລັດຖະບານ ແລະ ວິສາຫະກິດ ຫົວເຫວີຍເປັນຜູ້ໃຫ້ບໍລິການໂຊລູຊັນຫຼັກສໍາລັບວິທະຍາເຂດອັດສະລິຍະ (Smart Campus) ສູນຈັັດເກັບຂໍ້ມູນ (Data center) ລະບົບການປະຊຸມທາງໄກ (Video Conference) ແລະ ອື່ນໆ ນອກນີ້ ພາກສ່ວນຂອງລະບົບຄົມມະນາຄົມ ຫົວເຫວີຍ ມີໂຊລູຊັນສໍາລັບທາງລົດໄຟ ເພື່ອເຮັດໃຫ້ການສື່ສານລະຫວ່າງລົດໄຟກັບແຕ່ລະສະຖານີມີປະສິດທິຜົນ ແລະ ມີປອດໄພສູງສຸດ ໃນນີ້ ລວມເຖິງ ໂຊລູຊັນສໍາລັບເຮັດໃຫ້ຜູ້ໂດຍສານສາມາດເຂົ້າເຖິງອິນເຕິີເນັັດ ຜ່ານມືຖືໄດ້ຕະຫຼອດໄລຍະການເດີນທາງ. 

    ງານດັ່ງກ່າວ ຫົວເຫວີຍໄດ້ນໍາສະເໜີໂຊລູຊັນໃໝ່ດ້ານພະລັງງານແສງຕາເວັນ ທີ່ຈະເຮັດໃຫ້ສໍານັກງານ ອົງກອນ ຫຼື ຄົວເຮືອນ ສາມາດເຂົ້າເຖິງ ແລະ ຕິດຕັ້ງໃຊ້ງານລະບົບພະລັງງານໄຟຟ້າຈາກແສງຕາເວັນໄດ້ຢ່າງງ່າຍດາຍ ດ້ວຍໂຊລູຊັນທີ່ມີຊື່ວ່າ Huawei FusionSolar ນອກນີ້ ຍັງໄດ້ຮັບກຽດຈາກທ່ານ ບຸນທອງ ຈິດມະນີ ຄະນະເລຂາທິການສູນກາງພັກ ຮອງປະທານປະເທດ ແລະ ທ່ານ ບັນດິດ ສຈ ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ ມາຢ້ຽມຢາມຫ້ອງວາງສະແດງຂອງຫົວເຫວີຍ ເຊິ່ງຕ້ອນຮັບ ແລະ ນໍາສະເໜີຜົນງານໂດຍທ່ານ ເຄວິນ ຫູ ປະທານບໍລິສັດ ຫົວເຫວີຍ ປະຈໍາລາວ ໂອກາດດັ່ງກ່າວ ການນໍາຂັ້ນສູງຂອງລາວກໍໄດ້ສະແດງຄວາມຊົມເຊີຍໝາກຜົນການຮ່ວມມືລະ ຫວ່າງ ບໍລິສັດ ຫົວເຫວີຍ ກັບ ກະຊວງເຕັກໂນໂລຊີ ແລະ ການສື່ສານ ໂດຍສະເພາະ ຂະແໜງການໄອຊີທີໃນໄລຍະຜ່ານມາ ແລະ ບໍລິສັດ ຫົວເຫວີຍ ໄດ້ມີຜະລິດຕະພັນທີ່ມີຄຸນນະພາບ ແລະ ເປັນທີ່ຍອມຮັບລະ ດັບໂລກ ເຂົ້າມານໍາໃຊ້ໃນ ສປປ ລາວ ເພື່ອສົ່ງເສີມໃຫ້ວຽກງານໄອຊີທີໃນລາວເຂັ້ມແຂງ  ແລະ ທັນສະ ໄໝຂຶ້ນໄປເລື້ອຍໆ.

# ຂ່າວ – ພາບ :  ສະບາໄພ

error: Content is protected !!