ອາຫານດີໆ ທີ່ບໍ່ຄວນກິນຫຼາຍເກີນໄປ

ຈາກ​ປະ​ໂຫຍກ​ທີ່​ບອກ​ຕໍ່​ໆ​ກັນ​ມາ​ວ່າ ກິນ​ຜັກ​ຫຼາຍໆ ຈະ​ໄດ້​ມີ​ສຸຂະພາບ​ດີ ກິນ​ໝາກໄມ້​ຫຼາຍໆ ແລ້ວ​ຈະ​ໄດ້​ຜິວ​ສວຍງາມ​ນັ້ນ ບາງ​ທີ​ກໍ​ອາດຈະ​ບໍ່​ເປັນ​ເຊັ່ນ​ນັ້ນ​ສະເໝີ​ໄປ​ແລ້ວ ເພາະ​ບອກ​ເລີຍ​ວ່າ​ ບໍ່​ວ່າ ອາຫານ, ຜັກ ,ໝາກໄມ້ ​ນັ້ນ​ຈະ​ມີ​ປະໂຫຍດ​ຫຼວງຫຼາຍ​ຈັກ​ພຽງ​ໃດ ແຕ່​ຖ້າ​ກິນ​ຫຼາຍ​ໄປ ກໍ​ມີ​ຜົນ​ເສຍ​ນຳກັນ​ເຊັ່ນກັນ 

– ໝາກຫຸ່ງ: ໝາກໄມ້​ດີ ມີ​ປະໂຫຍດ​ຫຼວງຫຼາຍ ​ໄຂ​ມັນ ​ແລະ ​ຄໍ​ເລສ​ເຕີຣໍ​ໜ້ອຍ ແລະ ​ຍັງ​ດີ​ຕໍ່​ລະບົບ​ຂັບ​ຖ່າຍ ຈຶ່ງ​ມີ​ປະ​ສິດ​ທິ​ພາບ​ເໝາະ​ສົມ​ກັບ​ການ​ຫຼຸດ​ນ້ຳ​ໜັກ ​ແນ່ນອນ​ວ່າ​ເມື່ອ​ລະບົບ​ຂັບ​ຖ່າຍ​ດີ​ຂຶ້ນ​ນັ້ນ ພະຍາດ​ຕ່າງໆ​ທີ່​ກ່ຽວກັບ​ລະບົບ​ຍ່ອຍອາຫານນັ້ນ​ກໍຈະ​ບັນ​ເທົາ​ລົງ​ໄປ​ນໍາ ການ​ຈະ​ກິນ​ໝາກຫຸ່ງ ​ກໍ​ຄວນ​ກິນ​ໃນ​ປະລິມານ​ທີ່​ພໍ​ເໝາະ ບໍ່​ຫຼາຍ​ຈົນ​ເກີນ​ໄປ ເພາະ​ຖ້າ​ກິນ​ຫຼາຍ​ເກີນ​ໄປ​ ໝາກຫຸ່ງອາດ​ເຮັດໃຫ້​ທ່ານ​ມີ​ຜິວ​ທີ່​ເຫຼືອງ​ຂຶ້ນ​ໄດ້ ນອກ​ຈາກ​ນີ້​ ໝາກຫຸ່ງ​ຍັງມີ​ວິ​ຕາ​ມິນ​ A ສູງ ຖ້າ​ກິນ​ຫຼາຍ​ເກີນໄປ ມີ​ຄວາມ​ສ່ຽງ​ຕໍ່​ກະດູກ​ ແລະ ​ຂໍ້​ຕໍ່ ອາດ​ມີ​ອາການ​ເບື່ອອາຫານ ຊຶມເສົ້າ ນອນ​ບໍ່​ຫຼັບ ກະ​ວົນ​ກະ​ວາຍ ຜົມ​ຫຼົ່ນ ເຈັບ​ຫົວ ຖອກທ້ອງ. 

– ໝາກກ້ຽງ: ການ​ກິນ​ໝາກກ້ຽງຫຼາຍ ແມ່ນ​ຈະ​ຊ່ວຍ​ໃຫ້​ຜິວ​ດີ ລະບົບ​ຂັບ​ຖ່າຍ​ດີ ເພາະ​ໝາກກ້ຽງ​ຈັດ​ເປັນ​ໝາກໄມ້​ປະ​ເພດ​ໜຶ່ງ​ທີ່​ມີ​ວິ​ຕາ​ມິນ C ​ສູງ​ຫຼາຍ ເຊິ່ງ​ວິ​ຕາ​ມິນ C (Vitamin C) ມີ​ປະໂຫຍດ​ຫຼາຍ​ຢ່າງ ທັງ​ເສີມ​ສ້າງ​ພູ​ມ​ຄຸ້ມ​ກັນ​ໃຫ້​ຮ່າງ​ກາຍ, ປ້ອງ​ກັນ​ອະນຸມູນ​ອິດ​ສະຫຼະ , ຕໍ່​ຕ້ານ​ພະຍາດ​ຫົວ​ໃຈ, ຊ່ວຍ​ໃຫ້​ສຸຂະພາບ​ເຫືອກ​ແຂງ​ແຮງ ແລະ ​ຍັງ​ບັນ​ເທົາ​ອາການ​ຫວັດ ແຕ່​ການ​ໄດ້ຮັບ​ປະລິມານ​ວິ​ຕາ​ມິນ C ​ຫຼາຍ​ເກີນ​ໄປ.. ຫຼາຍກວ່າ 500 ມິ​ລີ​ກຣາມ​ຕໍ່​ມື້​ ຕໍ່​ເນື່ອງ​ກັນ​ເປັນ​ລະ​ຍະ​ເວລາ​ດົນ  ສາມາດ​ເຮັດໃຫ້​ເກີດ​ໜິ້ວ​ໃນ​ໝາກໄຂ່ຫຼັງ​ໄດ້ ລວມ​ເຖິງ​ຫາກ​ຮັບປະທານ​ວິ​ຕາ​ມິນ C ​ຫຼາຍ​ເກີນ 1.000 ມິ​ລີ​ກຣາມ ຍັງ​ອາດ​ເຮັດໃຫ້​ເກີດ​ອາການ​ຖອກທ້ອງ ແລະ ​ຫາກກິນຕອນ​ທ້ອງວ່າງ​ ກໍ​ອາດ​ເກີດ​ການ​ລະ​ຄາຍ​ເຄືອງ​ໃນ​ທາງເດີນອາຫານ ເນື່ອງ​ຈາກ​ຄວາມ​ເປັນ​ກົດ​ຂອງ​ວິ​ຕາ​ມິນ​ C ທັງ​ຍັງ​ອາດ​ເກີດ​ອາການ​ທ້ອງ​ອືດ ຫຼືເຖິງ​ຂັ້ນຮາກໄດ້​. 

– ກະ​ຫຼໍ່າປີ:​ ເປັນຜັກທີ່ຫຼາຍຄົນມັກກິນ ແລະ ປຸງແຕ່ງອາຫານສຸດ​ແຊບຊ້ອຍ ກໍຄື​ກິນກັບ​ຕຳໝາກຫຸ່ງທີ່​ດັບ​ເຜັດ​ໄດ້​ດີ ເຊິ່ງ​ອັນ​ທີ່​ຈິງ ກະ​ຫຼໍ່າປີນັ້ນ​ມີ​ປະໂຫຍດ​ຫຼວງຫຼາຍ ແຕ່​​ວ່າການ​ກິນ​ກະ​ຫຼໍ່າປີດິບ​ຫຼາຍ​ໆ ອາດ​ເປັນ​ບັນຫາ​ກັບ​ສຸຂະພາບ​ໃນ​ລະ​ຍະ​ຍາວ ພືດ​ຕະກູນ​ກະຫຼໍ່າ​ທຸກ​ໂຕ ຈະ​ມີ​ຄຸນສົມບັດ​ໃນ​ການ​ປ້ອງ​ກັນ ​ແລະ ​ຍັບ​ຍັ້ງ​ການ​ເກີດ​ມະ​ເຮັງ​ໄດ້​ໃນ​ຫຼາຍໆສ່ວນ​ຂອງ​ຮ່າງກາຍ ບໍ່​ວ່າ​ຈະ​ເປັນ​ມະ​ເຮັງ​ລຳ​ໄສ້​ໃຫຍ່, ກະເພາະອາຫານ, ເຕົ້າ​ນົມ, ມົດລູກ ຮວຍໄຂ່ ແລະ ​ຍັງມີ​ລິດ​ໃນ​ການ​ຂັບ​ສານ​ພິດ​ອອກຈາກ​ຮ່າງກາຍ​ໄດ້ ແຕ່​ຖ້າ​ທ່ານ​ຮັບປະທານກະ​ຫຼໍ່າປີ​​ເປັນ​ປະຈຳ ກໍ​ຈະ​ເພີ່ມ​ປະ​ສິດ​ທິ​ພາບ​ຂອງ​ຕັບ​ໃຫ້​ເຮັດວຽກ​ດີ​ຂຶ້ນ ແຕ່​ໃນ​ຂະນະ​ດຽວ​ກັນ ໃນກະ​ຫຼໍ່າປີກໍ​ມີ​ສານ Goitrogen ຢູ່​ຫຼາຍ ຊຶ່ງສານGoitrogeno ນີ້​ຈະ​ໄປ​ກັນ​ບໍ່​ໃຫ້​ຕ່ອມ​ນໍ້າເຫຼືອງຈັບ​ໄອ​ໂອ​ດີນ​ໄປ​ສ້າງ​ເປັນ Thyroscine ສົ່ງ​ຜົນ​ຈະ​ເຮັດໃຫ້​ເກີດ​ພະຍາດ​ຄໍ​ກິນເລືອດ​ໄດ້ ຫາກ​ມັກ​ກິນ​ກະ​ຫຼໍ່າປີ​ປະຈຳ ຄວນ​ກິນ​ກະ​ຫຼໍ່າປີສຸກ​ຈະ​ດີກວ່າ​ກິນ​ກະ​ຫຼໍ່າປີ​​ດິບ ເພາະ​ສານ Goitrogen ນີ້​ຈະ​ຖືກ​ທຳລາຍ​ໄດ້​ໂດຍ​ການເຮັດໃຫ້​ສຸກ ດັ່ງ​ນັ້ນ​ຄວນ​ເຮັດໃຫ້​ສຸກ ແລະ ​ກິນ​ແຕ່​ພໍດີ 

– ນ້ຳ:  ນ້ຳ​ເປັນ​ສິ່ງ​ທີ່​ຮ່າງກາຍ​ຄົນ​ເຮົາ​ຂາດ​ບໍ່​ໄດ້ ແຕ່​ການ​ດື່ມ​ນ້ຳ​ຫຼາຍ​ເກີນ​ມື້​ລະ 6-7 ລີດ ສ່ຽງ​ເກີດ​ອາການ​ໄຮ​ໂປ​ແນ​ຊີ​ເມຍ ສະໝອງ​ບວມ​ ເຮັດໃຫ້​ເສຍຊີວິດ​ໄດ້ ການ​ດື່ມ​ນ້ຳ​ຫຼາຍເກີນ​ໄປ ຈະ​ເຮັດໃຫ້​ຮ່າງກາຍ​ໄດ້ຮັບ​ນ້ຳ​ປະລິມານ​ຫຼາຍ​ເກີນ​ໄປ​ໃນ​ເວລາ​ວ່ອງໄວ ເຮັດໃຫ້​ເກີດ​ພາ​ວະ​ນ້ຳ​ເກີນ ຫຼືນ້ຳ​ເປັນ​ພິດ ແລະ​ ນ້ຳ​ຈະ​ມີ​ຜົນ​ໃຫ້​ທາດ​ໂຊ​ດຽມໃນ​ເລືອດຫຼຸດລົງ​ຢ່າງ​ວ່ອງໄວ ຮ່າງກາຍ​ຈະ​ປິ່ນປົວ​ສົມ​ດຸນ​ນ້ຳ​ລະຫວ່າງ​ ນອກ​ເຊວ ແລະ ພາຍ​ໃນ​ເຊວບໍ່​ໄດ້ ເຮັດໃຫ້​ເຊວ​ບວມ ​ແລະ ​ເຮັດໃຫ້​ຊັອກ ສະໝອງ​ບວມ ປອດ​ບວມ ໝົດ​ສະຕິ ແລະ ​ເສຍຊີວິດ​ໄດ້ ເພາະ​ສະ​ນັ້ນ ​ດື່ມ​ໃນ​ປະລິມານ​ທີ່​ເໝາະ​ສົມ​ຕາມ​ປົກກະຕິ ທີ່ມື້​ລະ 6-8 ຈອກ ຫຼື ​ປະ​ມານ 2 ລີດ ດື່ມ​ແບບພໍດີ ກໍ​ພຽງ​ພໍ​ສຳລັບ​ຮ່າງກາຍ​ແລ້ວ. 

ຕິດຕໍ່ພວກເຮົາ