ທະຫານແຂວງໄຊຍະບູລີ ກຽມພ້ອມຊ່ວຍເຫຼືອຜູ້ທີ່ໄດ້ຮັບຜົນກະທົບຈາກໄພທຳມະຊາດ

      ເນື່ອງຈາກພາຍຸເຂດຮ້ອນໄດ້ພັດຜ່ານເຂົ້າມາປະເທດລາວ ເຊິ່ງເຮັດໃຫ້ເກີດມີຝົນຕົກໜັກຕິດຕໍ່ກັນຄືວັນທີ 11-12 ສິງຫາ 2022 ເຮັດໃຫ້ມີນ້ຳປ່າ ແລະ ນໍ້າຫ້ວຍຮ່ອງ, ຄອງບຶງ ໄຫຼມາສົມທົບກັບແມ່ນ້ຳຮຸ່ງ ເຮັດໃຫ້ລະດັບແມ່ນ້ຳຮຸ່ງເພີ່ມຂຶ້ນຢ່າງຕໍ່ເນື່ອງ ດັ່ງນັ້ນຄະນະພັກ-ຄະນະບັນຊາກອງບັນຊາການທະຫານແຂວງໄຊຍະບູລີ ຈຶ່ງໄດ້ກະກຽມພາຫະນະ, ອຸປະກອນ ແລະຈຳນວນພົນ ເພື່ອກະຽມຊ່ວຍເຫຼືອ ແລະ ຮັບມືກັບໄພພິບັດທີ່ອາດຈະເກີດຂຶ້ນ. ໃນນີ້ຄະນະພັກ-ຄະນະບັນຊາກອງບັນຊາການທະຫານແຂວງໄຊຍະບູລີ ຈຶ່ງໄດ້ມອບໃຫ້ພະແນກສູ້ຮົບ ກອງບັນຊາການທະຫານແຂວງໄຊຍະບູລີ ເປັນເຈົ້າການໃນການກະກຽມພາຫະນະ, ອຸປະກອນ ແລະ ກຳລັງພົນຕ່າງໆຄົບຖ້ວນ. ເຊິ່ງໄດ້ນຳໃຊ້ລົດເຊອາ ຈຳນວນ 5 ຄັນ, ເຮືອ ຈໍານວນ 3 ລໍາ ແລະ ຈໍານວນພົນຈາກກົມກອງອ້ອມຂ້າງກອງບັນຊາການທະຫານແຂວງໄຊຍະບູລີ ຄື: ກອງພັນ 419, ກອງພັນ 609, ກອງຮ້ອຍ 21 ແລະ ກອງຮ້ອຍ 23 ຈໍານວນ 215 ສະຫາຍ ເພື່ອກຽມຮັບມືໃນເບື້ອງຕົ້ນ.

ໂດຍ: ໄຊຍະສັກ ມະນີວັນ.

error: Content is protected !!