ກະຊວງໂຍທາທິການ ແລະ ຂົນສົ່ງ (ຍທຂ) ລົງນາມໃນສັນຍາຈັດຊື້ລົດຖີບ ສາມລໍ້ໄຟຟ້າ (electric pedicab) 150 ຄັນ ກັບ ບໍລິສັດ ARC LAO ຈຳກັດ ສະໜອງເຂົ້າໃນໂຄງການຂົນສົ່ງແບບຍືນຍົງໃນຕົວເມືອງນະຄອນຫຼວງວຽງຈັນ (ນວ).
ທ່ານ ຄຳພັນ ວັນທະນາ ຫົວໜ້າໂຄງການຂົນສົ່ງແບບຍືນຍົງໃນຕົວເມືອງນະຄອນຫຼວງວຽງຈັນ(ນວ) ໄດ້ລາຍງານຫຍໍ້ ກ່ຽວ ກັບໂຄງການຂົນສົ່ງແບບຍືນຍົງໃນຕົວເມືອງ ນວ ວ່າ: ການລົງນາມເພື່ອຈັດຊື້ລົດຖີບໄຟຟ້າ 150 ຄັນໃຫ້ແກ່ໂຄງ ການຂົນ ສົ່ງແບບຍືນຍົງໃນຕົວເມືອງ ນວ ໂດຍນໍາໃຊ້ທຶນກູ້ຢືມຈາກກອງທຶນສິ່ງແວດລ້ອມໂລກ (Global Environment Facility/GEF) ມູນຄ່າສັນຍາ 456.000ໂດລາສະຫາລັດ ເຊິ່ງໂຄງການດັ່ງກ່າວຖືກຮັບຮອງໃນປີ 2014 ໄດ້ຮັບເງິນກູ້ຢືມ ຊ່ວຍ ເຫຼືອຈາກອົງການໃຫ້ທຶນສາກົນ ແລະ ທຶນສົມທົບຂອງລັດຖະບານລາວທັງໝົດ 99,7 ລ້ານໂດລາ ໂຄງການນີ້ມີຈຸດປະສົງ ເພື່ອແກ້ໄຂບັນຫາການສັນຈອນແອອັດໃນຕົວເມືອງ ອຸບັດຕິເຫດ ເປັນມິດກັບສິ່ງແວດລ້ອມ ໂດຍສົ່ງເສີມການຍ່າງ ແລະ ນຳ ໃຊ້ລົດຖີບໄຟຟ້າໃນການເດີນທາງ.
ສຳລັບໂຄງການຂົນສົ່ງແບບຍືນຍົງໃນຕົວເມືອງນະຄອນຫຼວງວຽງຈັນ ປະກອບມີ 5 ອົງປະກອບຫຼັກ ຄື: ສ້າງໜ່ວຍງານ (ກອງ) ຄຸ້ມຄອງການຂົນສົ່ງໃນຕົວເມືອງ (UTMS) ລະບົບລົດເມສາຍດ່ວນ (Bus Rapid Transit “BRT”) ລະບົບຄຸ້ມຄອງການຈະ ລາຈອນ (Traffic Management System) ການຄຸ້ມຄອງບ່ອນຈອດລົດ (Parking Management) ການຂົນສົ່ງທີ່ບໍ່ມີ ເຄື່ອງຈັກ (Non-Motorized Transit “NMT”) ໂດຍການນຳໃຊ້ລົດຖີບສາມລໍ້ໄຟຟ້າ ປັດຈຸບັນໄດ້ສຳເລັດຂະບວນການປະ ມູນຈັດຫາເອົາຜູ້ຜະລິດ ແລະ ສະໜອງລົດຖີບໄຟຟ້າ ຈຳນວນ 150 ຄັນ ຕາມການເຫັນດີຂອງຜູ້ໃຫ້ທຶນກໍຄື ທະນາຄານພັດ ທະນາອາຊີ (ADB) ໃນວັນທີ 24 ມີນາ 2023 ຄາດໝາຍເວລາສົ່ງ-ມອບພາຫານະທັງໝົດພາຍໃນ 10 ເດືອນ ຫຼັງຈາກເຊັນ ສັນຍາ ປະມານເດືອນ ກໍລະກົດ 2024.
ສະເພາະລົດຖີບສາມລໍ້ໄຟຟ້າຈະເປັນຍານພາຫະນະຕົ້ນຕໍທີ່ປະຊາຊົນອາດຈະໃຊ້ໃນເຂດການຂົນສົ່ງສິ່ງທີ່ບໍ່ໃຊ້ເຄື່ອງຈັກ ມັນເປັນລົດສາມລໍ້ທີ່ສາມາດດໍາເນີນການໂດຍໃຊ້ພະລັງງານຢຽບຜາຕີນ ຫຼື ປະສົມປະສານລະຫວ່າງພະລັງງານຜາຕີນຢຽດ ແລະ ພະລັງງານໄຟຟ້າໄປພ້ອມໆກັນ ສາມາດບັນທຸກຜູ້ໂດຍສານໄດ້ 2-3 ຄົນ ເມື່ອປຽບທຽບກັບລົດຕຸກໆ ລົດສາມລໍ້ຖີບໄຟ ຟ້າມີການປ່ອຍກາສອາຍພິດ CO2 ຕ່ຳ ແລະ ບໍ່ມີສຽງເນືອງນັນ ເພາະສະນັ້ນມັນປອດໄພກວ່າ ແລະ ມີສຸຂະພາບດີກວ່າ.
ພິທີລົງນາມມີຂຶ້ນໃນວັນທີ 13 ກັນຍາ 2023 ທີ່ກະຊວງ ຍທຂ ໂດຍການລົງນາມຂອງ ທ່ານ ບຸນຕາ ອ່ອນນາວົງ ຫົວໜ້າກົມ ຂົນສົ່ງ ກະຊວງ ຍທຂ ແລະ ທ່ານ ພະນົມພອນ ເພຍສັດຂວາ ຜູ້ບໍລິຫານ ບໍລິສັດ ARC LAO ຈຳກັດ ມີພາກສ່ວນກ່ຽວຂ້ອງ ສອງຝ່າຍເຂົ້າຮ່ວມ.ຝເປັນສັກຈີພິຍານ.