ບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ

ສປປ ລາວ ໄດ້​ບຸກ​ທະ­ລຸ​ໃນ​ການ​ຂັບ​ເຄື່ອນ​ວຽກ​ງານ​ສຸ​ຂະ​ອະ­ນາ­ໄມ ເຮັດ​ໃຫ້​ແຂວງ​ບໍ​ລິ​ຄຳ​ໄຊ​ກາຍ­ເປັນ​ແຂວງ​ທຳ​ອິດ ທີ່​ສາ­ມາດ​ປະ­ກາດ​ຢຸດ­ຕິ​ການ​ຖ່າຍ​ຊະ­ຊາຍ ຫຼັງ​ຈາກ​ມີ​ຄວາມ​ພະ­ຍາ­ຍາມ​ຢ່າງ​ບໍ່​ຮູ້​ອິດ​ຮູ້​ເມື່ອຍ​ຂອງ​ຊຸມ​ຊົນ ໃນ​ການ­ຈັດ­ຕັ້ງ​ປະ­ຕິ­ບັດ​ມາ​ຫຼາຍ​ປີ ໂດຍ​ການ​ສະ­ໜັບ­ສະ­ໜູນ​ຂອງ​ພາກ​ລັດ ແລະ ອົງ­ການ​ຢູ​ນີ​ເຊັບ ແຂວງ​ບໍ​ລິ​ຄຳ​ໄຊ ໄດ້​ນຳ​ໜ້າ​ແຂວງ​ອື່ນໆ ເພື່ອ​ໃຫ້ ສປປ ລາວ ບັນ­ລຸ​ເປົ້າ​ໝາຍ​ແຫ່ງ​ຊາດ ໃນ​ການ​ຢຸດ­ຕິ​ການ​ຖ່າຍ​ຊະ­ຊາຍ​ໃນ​ປີ 2025.

ພິ­ທີ​ປະ­ກາດ​ຮັບ­ຮອງ​ແຂວງ​ບໍ​ລິ​ຄຳ​ໄຊ ເປັນ​ແຂວງ​ຢຸດ­ຕິ​ການ​ຖ່າຍ​ຊະ­ຊາຍ ແຂວງ​ທີ I ຂອງ ສປປ ລາວ ໄດ້​ຈັດ​ຂຶ້ນ​ວັນ​ທີ 31 ກໍ­ລະ­ກົດ 2020 ທີ່​ຫ້ອງ​ວ່າ­ການ​ປົກ­ຄອງ​ແຂວງ​ດັ່ງ­ກ່າວ ເປັນ​ປະ­ທານ​ຂອງ​ທ່ານ ກ່ອງ​ແກ້ວ ໄຊ​ສົງ­ຄາມ ເຈົ້າ­ແຂວງ​ບໍ​ລິ​ຄຳ​ໄຊ ມີ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ທ່ານ ນາງ ບົວ​ຈັນ ສີ​ຫາ​ນາກ ຮອງ​ປະ­ທານ​ສູນ​ກາງ​ສະ­ຫະ­ພັນ​ແມ່­ຍິງ​ລາວ ເຈົ້າ­ແຂວງ ແລະ ຫົວ­ໜ້າ​ພະ​ແນກ​ສາ­ທາ­ລະ­ນະ​ສຸກ​ຈາກ 5 ແຂວງ​ອ້ອມ​ຂ້າງ ເຈົ້າ­ເມືອງ​ຈາກ 7 ຕົວ​ເມືອງ​ຂອງ​ແຂວງ​ບໍ​ລິ​ຄຳ​ໄຊ ແລະ ອຳ­ນາດ​ການ​ປົກ­ຄອງ​ບ້ານ​ເຂົ້າ​ຮ່ວມ.

ທ່ານ ສອນ​ໄຊ ປັນ­ຍາ​ນຸ​ວົງ ຫົວ­ໜ້າ​ພະ​ແນກ​ສາ­ທາ­ລະ­ນະ​ສຸກ​ແຂວງ​ບໍ​ລິ​ຄຳ​ໄຊ ໄດ້​ລາຍ​ງານ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ ຊຸມ​ຊົນ​ເປັນ​ເຈົ້າ​ການ​ດ້ານ​ສຸ​ຂະ​ອະ­ນາ­ໄມ ແຂວງ​ບໍ​ລິ​ຄຳ​ໄຊ​ວ່າ: ທົ່ວ​ແຂວງ​ປະ­ກອບ​ມີ 7 ເມືອງ 32 ກຸ່ມ​ບ້ານ 291 ບ້ານ ໃນ​ນີ້ ເປັນ​ບ້ານ​ໃນ​ຕົວ​ເມືອງ​ມີ 65 ບ້ານ ແລະ ບ້ານ​ຊົນ­ນະ­ບົດ​ມີ 255 ບ້ານ ມີ​ພົນ­ລະ­ເມືອງ​ທັງ​ໝົດ 314.787 ຄົນ ຍິງ 155.421 ຄົນ ມີ 58.082 ຄອບ­ຄົວ ໃນ​ນີ້ ຄອບ­ຄົວ​ທຸກ​ຍາກ​ມີ 938 ຄອບ­ຄົວ ເທົ່າ​ກັບ 1,6% ເພື່ອ​ປະ­ຕິ­ບັດ​ຕາມ​ແນວ­ທາງ​ນະ­ໂຍ­ບາຍ​ດ້ານ​ວຽກ​ງານ​ຢຸດ­ຕິ​ການ​ຖ່າຍ​ຊະ­ຊາຍ ຕິດ​ພັນ​ກັບ​ການ​ສ້າງ​ຊຸມ​ຊົນ​ເປັນ​ເຈົ້າ​ການ​ດ້ານ​ສຸ​ຂະ​ອະ­ນາ­ໄມ (ຊຈສ) ຕິດ​ພັນ​ກັບ​ການ​ສ້າງ​ບ້ານ​ພັດ­ທະ­ນາ​ຕາມ​ທິດ​ສາມ​ສ້າງ​ຢູ່​ແຂວງ​ບໍ​ລິ​ຄຳ​ໄຊ ໄດ້​ເລີ່ມ​ແຕ່​ປີ 2014 ເປັນ­ຕົ້ນ​ມາ ຈົນ​ເຖິງ​ປີ 2020 ຈຶ່ງ​ສາ­ມາດ​ປະ­ກາດ​ເປັນ​ບ້ານ​ຢຸດ­ຕິ​ການ​ຖ່າຍ​ຊະ­ຊາຍ​ໄດ້ 291 ບ້ານ​ໃນ​ທົ່ວ​ແຂວງ ແລະ ໄດ້​ມີ​ຄອບ­ຄົວ​ມີ​ວິດ­ຖ່າຍ​ທັງ​ໝົດ 57.499 ຄອບ­ຄົວ ເທົ່າ​ກັບ 99% ແລະ ບໍ່​ທັນ​ມີ​ວິດ­ຖ່າຍ​ເປັນ​ຂອງ​ຕົນ​ເອງ ຍັງ​ໃຊ້​ວິດ­ຖ່າຍ​ຮ່ວມ​ກັບ​ພີ່­ນ້ອງ​ມີ​ຈຳ­ນວນ 583 ຄອບ­ຄົວ ເທົ່າ​ກັບ 1% ແລະ ຄະ­ນະ​ກຳ­ມະ­ການ​ຂັ້ນ​ເມືອງ ຂັ້ນ​ບ້ານ ຈະ​ໄດ້​ສືບ­ຕໍ່​ຕິດ­ຕາມ​ຊຸກ­ຍູ້​ການ​ກໍ່­ສ້າງ​ວິດ­ຖ່າຍ​ສຳ​ຫຼັບ​ຄອບ­ຄົວ ທີ່​ຍັງ​ຖ່າຍ​ຮ່ວມ​ພີ່­ນ້ອງ ແລະ ຄອບ­ຄົວ ທີ່​ກຳ­ລັງ​ກໍ່­ສ້າງ​ວິດ­ຖ່າຍ​ທີ່​ຍັງ​ຄ້າງ​ຄາ​ໃຫ້​ສຳ­ເລັດ.

ຕິດຕໍ່ພວກເຮົາ
error: Content is protected !!