ແຈ້ງ​ການ

ເຖິງ: ທ່ານ​ຜູ້ອຳນວຍການ​ຮ້ານ​ບັ​ນ​ເທິງ ​ແລະ ຄາຣາ​ໂອ​ເກະ

ເລື່ອງ: ​ໃຫ້​ປິດ​ການ​ດຳ​ເນີນ​ກິດຈະການ​ຊົ່ວຄາວ

  • ​ອີງ​ຕາມ​ແຈ້ງ​ການ​ຂອງ​ຫ້ອງ​ວ່າການ​ສຳນັກງາ​ນນາຍົກລັດຖະມົນຕີ ​ເລກທີ 838/ຫສນຍ  ລົງ​ວັນ​ທີ 7/8/2020 ວ່າ​ດ້ວຍ​ທິດ​ຊີ້​ນຳ​ເພີ່ມ​ເຕີມ​ການ​ສືບ​ຕໍ່​ເພີ່​ມທະວີ​ປະຕິບັດ​ບັນດາ​ມາດ​ຕະການ​ຜ່ອນຜັນ ປ້ອງ​ກັນ ຄວບ​ຄຸມ ສະກັດ​ກັ້ນ ​ແລະ ​ແກ້​ໄຂ​ການລະບາດ​ຂອງ​ພະຍາດ ​COVID-19.
  • ອີງຕາມແຈ້ງການຂອງຫ້ອງການກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ສະບັບເລກທີ 205/ຖວທ ລົງວັນທີ 7/8/2020 ວ່າດ້ວຍເພີ່ມທະວີການຕິດຕາມກວດກາ ແລະ ປະຕິບັດວິໄນຕໍ່ຮ້ານບັນເທີງ ຄາຣາໂອເກະ ແລະ ຮ້ານເກມ ທີ່ບໍ່ປະຕິບັດຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ.  

   ພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງທ່ານຜູ້ອຳນວຍການຮ້ານບັນເທິງ ແລະ ຄາຣາໂອເກະ ຢູ່ໃນນະຄອນຫຼວງວຽງຈັນ ຜູ້ທີ່ຍັງລະເມີດເປີດບໍລິການໃຫ້ປິດການດຳເນີນກິດຈະການຊົ່ວຄາວ ນັບແຕ່ວັນທີ 10 ສິງຫາ 2020 ເປັນຕົ້ນໄປ ເພື່ອ ຕ້ານ ແລະ ສະກັດກັ້ນການດຳເນີນກິດຈະການຊົ່ວຄາວ ນັບແຕ່ວັນທີ 10 ສິງຫາ 2020 ເປັນຕົ້ນໄປ  ເພື່ອຕ້ານ ແລະ ສະກັດກັ້ນການລະບາດຂອງພະຍາດ COVID-19  ແລະ ຮັກສາຄວາມເປັນລະບຽບຮຽບຮ້ອຍຂອງສັງຄົມຈົນກວ່າຈະມີແຈ້ງການໃຫ້ສາມາດເປີດບໍລິການຄືນໃໝ່.

ສຳລັບທຸລະກິດຮ້ານອາຫານ ແມ່ນໃຫ້ຈັດສັນສະຖານທີ່ບໍລິການຄືນໃໝ່ ບໍ່ໃຫ້ແອອັດ ສາມາດຮັກສາໄລຍະຫ່າງຕາມລະບຽບການຄວບຄຸມການລະບາດພະຍາດ COVID-19 ທີ່ພາກສ່ວນສາທາລະນະສຸກວາງອອກ ແລະ ໃຫ້ຢຸດການເສບດົນຕີປະເພດຕ່າງໆ ໃຫ້ມີແຕ່ການບໍລິການອາຫານເປັນຕົ້ນຕໍ ບໍ່ໃຫ້ເນັ້ນ ໃສ່ບໍລິການເຫຼົ້າ ເບຍ ແລະ ເຄື່ອງດື່ມທີ່ມີທາດເຫຼົ້າ ມີການເປີດສຽງເພງເບົາໆຕາມມາດຕະຖານຮ້ານອາຫານ ຈຳກັດສຽງດັງເນືອງນັນບໍ່ໃຫ້ລົບກວນຜູ້ອື່ນ ຮັກສາເວລາປິດຮ້ານທີ່ທາງການກຳນົດ ເວລາ 23:00 ໂມງ ເພື່ອເຮັດໃຫ້ເກີດຄວາມເປັນລະບຽບຮຽບຮ້ອຍຂອງສັງຄົມ.

ມອບໃຫ້ຄະນະກຳມະການສະເພາະກິດຂອງພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ສົມທົບກັບຫ້ອງການ ຖວທ ເມືອງ ລົງຕິດຕາມ ແລະ ປະສານກັບເຈົ້າໜ້າທີ່ປ້ອງກັນຄວາມສະຫງົບ ທາງດ້ານຂໍ້ມູນ ແລະ ການລົງເຄື່ອນໄຫວຕົວຈິງ ຖ້າພົບເຫັນ ຫຼື ໄດ້ຮັບລາຍງານວ່າ ມີການລະເມີດຂອງບັນດາທຸລະກິດດັ່ງກ່າວ ພາຍຫຼັງທີ່ທາງ ປກສ ກຸ່ມ ບ້ານ ໄດ້ເຮັດບົດບັນທຶກແນະນຳ ແລະ ຕັກເຕືອນແລ້ວ ແມ່ນຈະໄດ້ປະຕິບັດລະບຽບວິໄນ ຄື: ຖອນໃບອະນຸຍາດດຳເນີນທຸລະກິດ ແລະ ນຳສົ່ງເຖິງຂະແໜງອຸດສາຫະກຳ-ການຄ້າ ເພື່ອລົບລ້າງໃບທະບຽນວິສາຫະກິດ ພ້ອມທັງປັບ​ໃໝຕາມລະບຽບກົດໝາຍ.

ດັ່ງນັ້ນ ຈຶ່ງໄດ້ແຈ້ງມາຍັງທ່ານຜູ້ອຳນວຍການຮ້ານບັນເທີງ ແລະ ຄາຣາໂອເກະ ເພື່ອຊາບ ແລະ ພ້ອມກັນຈັດຕັ້ງປະຕິບັດຕາມແຈ້ງການສະບັບນີ້ຢ່າງເຂັ້ມງວດດ້ວຍ.

ຕິດຕໍ່ພວກເຮົາ
error: Content is protected !!