ຫົວເຫວີຍ ເສີມສ້າງກຳລັງໃຈໃຫ້ປະເທດລາວຕໍ່ສູ້ກັບພະຍາດ COVID-19

    ບໍ­ລິ­ສັດ ຫົວ​ເຫວີຍ ເຕັກ​ໂນ​ໂລ​ຊີ (ລາວ) ຈຳ­ກັດ​ຜູ້​ດຽວ ມອບ​ລະ­ບົບ​ວິ​ດີ​ໂອ​ຄອນ​ເຟີ​ເຣນ​ເພື່ອ​ການ​ແພດ​ທີ່​ທັນ​ສະ­ໄໝ (Huawei Telemedicine Video Conferencing Solution) ໃຫ້​ກະ­ຊວງ​ສາ­ທາ­ລະ­ນະ​ສຸກ ແລະ ໂຮງ­ໝໍ​ມິດ­ຕະ­ພາບ 150 ຕຽງ ວັນ​ທີ 24 ມີ­ນາ 2020 ເພື່ອ​ສະ­ໜັບ­ສະ­ໜູນ​ປະ­ຊາ­ຊົນ​ລາວ ແລະ ແພດ​ໝໍ ຕໍ່­ສູ້​ກັບ​ພະ­ຍາດ​ອັກ­ເສບ​ປອດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ (COVID-19) ແລະ ປັບ­ປຸງ​ປະ​ສິດ­ທິ​ຜົນ​ໃນ​ການ​ປ້ອງ​ກັນ​ການ​ແຜ່​ລະ­ບາດ ແລະ ຫຼຸດ​ຄວາມ​ສ່ຽງ​ຂອງ​ການ​ຕິດ­ເຊື້ອ​ສຳ­ລັບ​ບຸກ​ຄະ­ລາ​ກອນ​ແພດ.

    ວັນ​ທີ 24 ມີ­ນາ 2020 ສປປ ລາວ ໄດ້​ຢືນ­ຢັນ​ວ່າ​ມີ​ຜູ້​ຕິດ​ເຊຶ້ອ​ພະ­ຍາດ COVID-19 ແລ້ວ​ຈຳ­ນວນ 2 ຄົນ ໃນ​ຂະ­ນະ​ທີ່​ການ​ແຜ່​ລະ­ບາດ​ຂອງ​ພະ­ຍາດ​ນີ້​ກຳ­ລັງ​ແຜ່​ກະ­ຈາຍ​ໄປ​ທົ່ວ​ໂລກ ສປປ ລາວ ໄດ້​ປະ​ເຊີນ​ແຮງ​ກົດ​ດັນ​ເພີ່ມ​ຂຶ້ນ​ໃນ​ການ​ປ້ອງ​ກັນ ແລະ ຄວບ​ຄຸມ­ພະ​ຍາດ​ດັ່ງ­ກ່າວ ໜ່ວຍ​ງານ​ດ້ານ​ສາ­ທາ­ລະ­ນະ​ສຸກ ແລະ ສະ​ຖາ​ບັນ​ການ​ແພດ ຈຳ­ເປັນ​ຕ້ອງ​ມີ​ລະ­ບົບ​ວິ​ດີ​ໂອ​ເພື່ອ​ປະ­ຊຸມ​ທາງ­ໄກ​ຢ່າງ​ເລັ່ງ​ດ່ວນ ເພື່ອ​ສະ­ໜັບ­ສະ­ໜູນ​ການ​ເຮັດ​ວຽກ​ຮ່ວມ​ກັນ​ໃນ​ແຕ່​ລະ​ຂົງ­ເຂດ ຫົວ​ເຫວີ່ຍ​ຈຶ່ງ​ໄດ້​ແກ້​ໄຂ​ຫຼາຍ​ຢ່າງ ລວມ​ທັງ​ສະ­ໜອງ​ອຸ­ປະ­ກອນ ແລະ ການ​ເຊື່ອມ​ຕໍ່​ເຄືອ​ຂ່າຍ​ທີ່​ມີ​ປະ​ສິດ­ທິ​ຜົນ​ສູງ ທັງ​ເປັນ​ການ​ສະ­ໜັບ­ສະ­ໜູນ​ຢ່າງ​ແຂງ​ຂັນ​ໃຫ້​ໜ່ວຍ​ງານ​ລັດ­ຖະ­ບານ ແລະ ປະ­ຊາ­ຊົນ​ລາວ ເພື່ອ​ຕໍ່­ຕ້ານ​ການ​ແຜ່​ລະ­ບາດ​ຂອງ​ພະ­ຍາດ COVID-19.

ຕິດຕໍ່ພວກເຮົາ
error: Content is protected !!