ໂທລະພາບປ້ອງກັນຄວາມສະຫງົບ ຈະນໍາສັນຍານຜ່ານດາວທຽມລາວແຊັດ

    ພິ­ທີ​ເຊັນ​ສັນ­ຍາ ການ​ບໍ­ລິ­ການ​ຮັບ-ສົ່ງ​ສັນ­ຍານ​ວິ­ທະ­ຍຸ-ໂທລະ­ພາບ​ຜ່ານ​ດາວ​ທຽມ ລາວ​ແຊັດ-1 ລະ­ຫວ່າງ​ກົມ​ໃຫຍ່​ການ­ເມືອງ ກະ­ຊວງ​ປ້ອງ​ກັນ​ຄວາມ​ສະ­ຫງົບ ແລະ ບໍ​ສິ​ສັດ ດາວ​ທຽມ ລາວ​ເອ​ເຊຍ-ປາ​ຊີ​ຟິກ ຈຳ­ກັດ ໄດ້​ຈັດ​ຂຶ້ນ​ວັນ​ທີ 25 ມີ­ນາ 2020 ນີ້ ທີ່​ສູນ​ການ​ຄ້າ​ວຽງ​ຈັນ​ເຊັນ​ເຕີ ໂດຍ​ການ​ຮ່ວມ​ລົງ​ນາມ​ຂອງ​ທ່ານ ວັນ​ທອງ ກອງ​ມະ­ນີ ຫົວ­ໜ້າ​ຫົມ​ໃຫຍ່ ກະ­ຊວງ​ປ້ອງ​ກັນ​ຄວາມ​ສະ­ຫງົບ ແລະ ທ່ານ ຕິງ ຢົງ​ບິງ ອຳ­ນວຍ​ການ​ໃຫຍ່ ບໍ­ລິ­ສັດ ດາວ​ທຽມ​ລາວ ເອ​ເຊຍ-ປາ​ຊີ​ຟິກ ຈຳ­ກັດ ມີ​ບັນ­ດາ​ຜູ້­ຕາງ­ໜ້າ​ຈາກ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ການ​ເຊັນ​ສັນ­ຍາ​ດັ່ງ­ກ່າວ​ນີ້ ມີ​ວັດ­ຖຸ​ປະ­ສົງ​ເພື່ອ​ຫັນ​ມາ​ໃຊ້​ດາວ​ທຽມ​ລາວ​ແຊັດ-1 ທີ່​ເປັນ​ດາວ​ທຽມ​ຂອງ​ລັດ­ຖະ­ບານ​ລາວ ເພື່ອ​ນຳ​ໃຊ້​ເຂົ້າ​ໃນ​ການ​ຮັບ-ສົ່ງ​ສັນ­ຍານ​ວິ­ທະ­ຍຸ-ໂທລະ­ພາບ​ຜ່ານ​ດາວ​ທຽມ​ຂອງ​ຊ່ອງ​ໂທລະ­ພາບ​ປ້ອງ​ກັນ​ຄວາມ​ສະ­ຫງົບ ທີ່​ຂຶ້ນ​ກັບ​ກອງ​ວິ­ທະ­ຍຸ-ໂທລະ­ພາບ ກົມ​ສື່​ມວນ​ຊົນ ກະ­ຊວງ​ປ້ອງ​ກັນ​ຄວາມ​ສະ­ຫງົບ ເຊິ່ງ​ເຮັດ​ໜ້າ­ທີ່​ໃນ​ການ​ກະ­ຈາຍ​ຂ່າວ​ທັງ​ພາຍ​ໃນ ແລະ ຕ່າງ­ປະ­ເທດ​ອອກ​ສູ່​ສັງ­ຄົມ.

ຕິດຕໍ່ພວກເຮົາ