ປະກາດການຈັດຕັ້ງ ຄະນະບໍລິຫານງານສະຫະພັນຊ໊ອຟເທັນນິສແຫ່ງຊາດລາວ ຊຸດໃໝ່

ພິ­ທີ​ປະ­ກາດ​ການ­ຈັດ­ຕັ້ງ ຄະ­ນະ​ບໍ­ລິ­ຫານ​ງານ​ສະ­ຫະ​ພັນ​ຊ໊ອຟ​ເທັນ​ນິ​ສ​ແຫ່ງ​ຊາດ​ລາວ ຊຸດ​ໃໝ່ ຈັດ​ຂຶ້ນ​ວັນ​ທີ 7 ກັນ­ຍາ 2020 ຢູ່​ຄະ­ນະ​ກຳ­ມະ­ການ​ໂອ​ແລມ​ປີກ​ແຫ່ງ​ຊາດ​ລາວ (ຄອລ) ໂດຍ​ມີ​ທ່ານ​ນາງ ຂັນ​ທະ​ລີ ສີ​ຣິ​ພົງ­ພັນ ຮອງ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ທ່ານ ສົມ​ພູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ​ກະ­ຊວງ ສສກ ຮອງ​ປະ­ທານ ແລະ ເລ­ຂາ­ທິ­ການ ຄອລ ທ່ານ ແສງ​ພອນ ພົນ​ອາ­ມາດ ຫົວ­ໜ້າ​ກົມ​ກີ­ລາ​ລະ­ດັບ​ສູງ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

ທ່ານ ນິ­ກອນ ອາ​ນຸ​ວົງ ເລ­ຂາ­ທິ­ການ​ສະ­ຫະ​ພັນ​ຊ໊ອຟ​ເທັນ​ນິ​ສ​ແຫ່ງ​ຊາດ​ລາວ ຊຸດ​ເກົ່າ ກ່າວ​ວ່າ: ກີ​ລາ​ຊ໊ອຟ​ເທັນ​ນິ​ສ ເປັນ​ກີ­ລາ​ທີ່​ພັດ­ທະ­ນາ​ມາ​ຈາກ​ກີ­ລາ​ເທັນ​ນິ​ສ ນັບ​ແຕ່​ປີ 2007 ສປປ ລາວ ໄດ້​ຮັບ​ການ​ເຜີຍ­ແຜ່​ກີ​ລາ​ຊ໊ອຟ​ເທັນ​ນິ​ສ​ຄັ້ງ​ທຳ​ອິດ ໂດຍ​ທ່ານ Chong Ryul Choi ຕາງ­ໜ້າ​ສະ­ຫະ​ພັນ​ຊ໊ອຟ​ເທັນ​ນິ​ສ​ສາ­ກົນ ຈາກ ສ ເກົາ­ຫຼີ ຈາກ​ນັ້ນ ກໍ​ໄດ້​ສ້າງ­ຕັ້ງ​ສະ­ຫະ​ພັນ​ຊ໊ອຟ​ເທັນ​ນິ​ສ​ແຫ່ງ​ຊາດ​ລາວ​ຂຶ້ນ ປີ 2008 ໂດຍ​ທ່ານ ຫົງ​ຄຳ ສຸ­ວັນ­ນະ​ວົງ ເປັນ​ປະ­ທານ ແລະ ຕົນ​ເປັນ​ເລ­ຂາ­ທິ­ການ​ສະ­ຫະ­ພັນ ພ້ອມ​ຄະ­ນະ​ບໍ­ລິ­ຫານ ລວມ 11 ຄົນ ເຊິ່ງ​ໄດ້​ເຄື່ອນ​ໄຫວ​ຕາມ​ພາ​ລະ­ບົບ​ບາດ ພາຍ​ໃຕ້​ການ​ຊີ້​ນຳ​ຂອງ​ກົມ​ກີ­ລາ​ລະ­ດັບ​ສູງ ແລະ ຄອລ ໄລ­ຍະ​ຜ່ານ​ມາ ໄດ້​ເຂົ້າ​ຮ່ວມ​ແຂ່ງ­ຂັນ​ໃນ​ກີ­ລາ​ຊີ­ເກມ ຄັ້ງ​ທີ 26 ປີ 2011 ຍາດ​ໄດ້ 2 ຫຼຽນ​ທອງ ປະ­ເພດ​ທີມ​ຍິງ ແລະ ທີມ​ຊາຍ ຊີ­ເກມ ຄັ້ງ​ທີ 30 ຍາດ​ໄດ້ 1 ຫຼຽນ​ທອງ ປະ­ເພດ​ຄູ່​ຍິງ ນອກ​ນີ້ ຍັງ​ໄດ້​ເຂົ້າ​ຮ່ວມ​ແຂ່ງ­ຂັນ​ລະ­ດັບ​ພາກ​ພື້ນ ແລະ ສາ­ກົນ ຢ່າງ​ຕໍ່​ເນື່ອງ.

ສຳ­ລັບ​ຄະ­ນະ​ບໍ­ລິ­ຫານ​ງານ​ສະ­ຫະ​ພັນ​ຊ໊ອຟ​ເທັນ​ນິ​ສ​ແຫ່ງ​ຊາດ​ລາວ ຊຸດ​ໃໝ່ ປະ­ກອບ​ມີ​ທ່ານ ໄຊ​ຍະ​ເດດ ວົງ​ໄຊ ປະ­ທານ​ຄະ­ນະ​ບໍ­ລິ­ຫານ​ງານ​ສະ­ຫະ​ພັນ​ຊ໊ອຟ​ເທັນ​ນິ​ສ​ແຫ່ງ​ຊາດ​ລາວ ທ່ານ ພຸດ​ທະ​ວົງ ບຸນ​ທົງ​ວົງ­ສາ​ລີ ຮອງ​ປະ­ທານ ແລະ ນາຍ​ຄັງ ທ່ານ ບຸນ​ທະ​ມາ­ລີ ຫຼວງ​ໂຄດ ຮອງ​ປະ­ທານ ແລະ ເລ­ຂາ­ທິ­ການ ແລະ ທ່ານ Chong Ryul Choi ຮອງ​ປະ­ທານ ນອກ​ນີ້​ຍັງ​ມີ​ຄະ­ນະ​ທີ່​ປຶກ­ສາ ຮອງ​ເລ­ຂາ­ທິ­ການ ແລະ ກຳ­ມະ­ການ ຕື່ມ​ອີກ.

ຕິດຕໍ່ພວກເຮົາ
error: Content is protected !!