ລາວໂຕໂຢຕ້າ ນຳໜ້າຄະແນນບານເຕະລາວລີກ 1

ການ​ແຂ່ງ­ຂັນ​ບານ­ເຕະ​ເປບ​ຊີ ລາວ​ລີກ 1 ອາ­ທິດ​ທີ 10 ແຂ່ງ ຂັນ​ວັນ​ທີ 5-6 ກັນ­ຍາ 2020 ຜົນ​ແຂ່ງ­ຂັນ​ປາ­ກົດ​ວ່າ: ມາ​ສ​ເຕີ 7 ເອັຟ​ຊີ​ ຊະ­ນະ ປກສ ເອັຟ​ຊີ 4-3 ປະ­ຕູ ວຽງ​ຈັນເອັຟ​ທີ ເສຍໃຫ້​ຊ້າງ​ນ້ອຍ​ເອັຟ​ຊີ 0-6 ປະ­ຕູ ວຽງ​ຈັນ​ເອັຟ​ຊີ​ ສະ­ເໝີ ເອ​ສະ​ຣາ ເອັຟ​ຊີ 1-1 ປະ­ຕູ.

ພາບຈາກ: https://www.facebook.com/laopremierleague

ສ່ວນ​ຜູ້​ທີ່​ຍິງ​ປະ­ຕູ​ໄດ້​ຫຼາຍ​ທີ່​ສຸດ​ປະ­ຈຳ​ອາ­ທິດ​ປະ­ກອບ​ມີ: ສົມ​ໄຊ ແກ້ວ​ຫາ​ນາມ ແລະ ທາ​ກູ​ມູ ກອງໜ້າ​ຂອງ​ຊ້າງ​ນ້ອຍ​ຍິງ​ໄດ້​ຜູ້​ລະ 2 ປະ­ຕູ ນັດ​ທີ່​ຊ້າງ​ນ້ອຍເອັຟ​ຊີ ຖະ​ຫຼົ່ມ ວຽງ​ຈັນ​ເອັຟ​ທີ​ ໄປ 6-0 ປະ­ຕູ ນັດ​ແຂ່ງ­ຂັນ​ປະ­ຈຳ​ວັນ​ທີ 5 ກັນ­ຍາ 2020 ແລະ ມະ­ໂນ​ລົມ ເພັດ​ພັກ­ດີ ກອງ​ກາງ­ຂອງ ມາ​ສເຕີ 7 ເອັຟ​ຊີ ຍິງ​ໄດ້ 2 ປະ­ຕູ ນັດ​ທີ່ ມາ​ສ​ເຕີ 7 ເອັຟ​ຊີ ຊະ­ນະ ປກສ ເອັຟ​ຊີ 4-3 ປະ­ຕູ ນັດ​ແຂ່ງຂັນ​ປະ­ຈຳ​ວັນ​ທີ 5 ກັນ­ຍາ 2020 ເຊັ່ນ​ດຽວ​ກັນ.

ຂະ­ນະ​ທີ່​ຕາ­ຕະ­ລາງ​ຄະ­ແນນປັດ­ຈຸ­ບັນ​ ຍັງ​ຄົງ​ເປັນ​ ລາວ​ໂຕ​ໂຢຕ້າ​ເອັຟ​ຊີ ທີ່​ເປັນ​ທີມ​ນຳ​ຈາກການ​ລົງ​ແຂ່ງ­ຂັນ​ທັງ​ໝົດ 8 ນັດ ຊະ­ນະ 6 ລວມ​ມີ 20 ຄະ­ແນນ (ແຂ່ງ​ໜ້ອຍ​ກວ່າ 1 ນັດ) ຕາມມາ​ດ້ວຍ​ ມາ​ສ​ເຕີ 7 ເອັຟ​ຊີ 18 ຄະ­ແນນ ຊ້າງ​ນ້ອຍ 13 ຄະ­ແນນ ວຽງ​ຈັນ​ເອັຟ​ຊີ 11 ຄະ­ແນນ ເອ​ສະ​ຣາ​ເອັຟ​ຊີ 10 ຄະ­ແນນ ປກສ ເອັຟ​ຊີ 8 ຄະ­ແນນ ແລະ ທີມ​ທ້າຍ​ຕາ­ຕະ­ລາງ ວຽງ​ຈັນເອັຟ​ທີ 2 ຄະ­ແນນ ກັບ​ຜົນ​ປະຕູ​ໄດ້​ເສຍ-23.

ຕິດຕໍ່ພວກເຮົາ
error: Content is protected !!