ບຳບັດຕໍ້ຫີນ ດ້ວຍຝາມື

“ຕໍ້​ຫີນ” ເຖິງ​ແມ່ນ​ເປັນ​ໂລກ​ທີ່​ບໍ່​ອັນ­ຕະ­ລາຍ​ເຖິງ​ຂັ້ນ​ເສຍ​ຊີ­ວິດ ແຕ່​ວ່າ​ສາ­ມາດ​ສົ່ງ​ຜົນ​ຮ້າຍ ເຮັດ​ໃຫ້​ສູນ​ເສຍ​ການ​ເບິ່ງ​ເຫັນ​ທັນ­ທີ ເພາະ​ຄວາມ​ຜິດ​ປົກ­ກະ­ຕິ​ຂອງ​ຄວາມ­ດັນ​ພາຍ​ໃນ​ໜ່ວຍ​ຕາ​ທີ່​ຄ່ອຍໆ​ເພີ່ມ​ສູງ​ຂຶ້ນ​ຢ່າງ​ຊ້າໆ ຈາກ​ການ​ອັ່ງ​ຂອງ​ຂອງ​ແຫຼວ​ພາຍ​ໃນ​ໜ່ວຍ​ຕາ ຈົນ​ທຳ­ລາຍ​ປະ­ສາດ​ຕາ ເຮັດ​ໃຫ້​ເລືອດ​ມາ​ລ້ຽງ​ປະ­ສາດ​ຕາ​ໄດ້​ບໍ່​ດີ​ເທົ່າ​ທີ່​ຄວນ ສົ່ງ​ຜົນ​ໃຫ້​ປະ­ສາດ​ຕາ​ເສື່ອມ ຂົ້ວ​ປະ­ສາດ​ຕາ​ຖືກ​ທຳ­ລາຍ ສາຍ­ຕາ​ຈະ​ມົວ​ລົງ​ຈົນ​ສູນ​ເສຍ​ການ​ເບິ່ງ​ເຫັນ​ໃນ​ທີ່​ສຸດ.

ຊຶ່ງ​ປັດ­ຈຸ­ບັນ ຕໍ້​ຫີນ​ສ່ວນ​ໃຫຍ່ ປິ່ນ­ປົວ​ໃຫ້​ກັບ​ມາ​ເປັນ​ປົກ­ກະ­ຕິ​ບໍ່​ໄດ້ ແຕ່​ການ​ປິ່ນ­ປົວ​ທີ່​ຖືກ­ຕ້ອງ ສາ­ມາດ​ຖະ­ໜອມ​ສາຍ­ຕາ ແລະ ປະ­ສາດ​ຕາ​ບໍ່​ໃຫ້​ເສື່ອມ​ຫຼາຍ​ຂຶ້ນ​ຈົນ​ເຖິງ​ຂັ້ນ​ຕາ­ບອດ​ໄດ້ ເນື່ອງ​ຈາກ​ຕໍ້​ຫີນ​ບໍ່​ສາ­ມາດ​ປິ່ນ­ປົວ​ໃຫ້​ຫາຍ​ຂາດ ຫຼື​ໃຫ້​ເຫັນ​ດີ​ຂຶ້ນ ການ​ປ້ອງ​ກັນ​ບໍ່​ໃຫ້​ເກີດ​ຕໍ້​ຫີນ​ຈຶ່ງ​ເປັນ​ວິ­ທີ​ທີ່​ດີ​ທີ່​ສຸດ.

ວິ­ທີ​ການ​ດູ​ແລ​ປິ່ນ­ປົວ​ດວງ​ຕາ ຫຼື​ປິ່ນ­ປົວ​ໂຣກ​ຕໍ້​ຫີນ​ດ້ວຍ​ຕົວ​ທ່ານ​ເອງ ຈາກ​ແພດ​ຜູ້​ຊ່ຽວ­ຊານ ຄິດ​ຄົ້ນ​ການ​ຮັກ­ສາ ໂລກ​ຕໍ້​ຫີນ ແລະ ໂລກ​ຈໍ​ປະ­ສາດ​ຕາ​ເສື່ອມ ຊ່ວຍ​ໃນ​ການ​ຫຼຸດ​ຄວາມ­ດັນ​ໃນ​ໜ່ວຍ​ຕາ ແລະ ກະ​ຕຸ້ນ​ການ​ໄຫຼ​ວຽນ​ຂອງ​ເລືອດ​ໃນ​ໜ່ວຍ​ຕາ​ນັ້ນ​ເອງ.

ໂດຍ​ວິ­ທີ​ການ​ນວດ​ເລີ່ມ​ຕົ້ນ​ຈາກ​ແບບ​ງາຍ​ຝາ​ມື​ທັງ​ສອງ​ຂ້າງ​ອອກ ຈາກ​ນັ້ນ​ໃຊ້​ຝາ​ມື​ທັງ​ສອງ​ຂ້າງ​ຄ່ອຍໆ​ບັນ­ຈົງ​ກົດ​ໄປ​ທີ່​ເບົ້າ­ຕາ​ທັງ 2 ຂ້າງ ຈົນ​ບໍ່​ເຫັນ​ແສງ​ເປັນ​ເວ­ລາ 2 ນາ­ທີ​ເຄິ່ງ ກ່ອນ​ຄ່ອຍໆ​ຄາຍ​ມື​ອອກ ແລ້ວ​ກັບ​ໄປ​ເຮັດ​ຕັ້ງ­ແຕ່​ຂັ້ນ​ເລີ່ມ​ຕົ້ນ ເຮັດ​ເຊັ່ນ​ນີ້​ຊ້ຳໆ​ຢ່າງ​ໜ້ອຍ​ວັນ​ລະ 10 ຄັ້ງ​ຕໍ່​ວັນ.

ຊ່ວຍ​ໃນ​ການ​ຫຼຸດ​ຄວາມ­ດັນ​ໃນ​ໜ່ວຍ​ຕາ ແລະ ກະ​ຕຸ້ນ​ການ​ໄຫຼ​ວຽນ​ຂອງ​ເລືອດ​ໃນ​ໜ່ວຍ​ຕາ ເນື່ອງ​ຈາກ​ເນື້ອ​ເຍື່ອ​ຂອງ​ຮ່າງ­ກາຍ​ຄົນ​ເຮົາ​ສາ­ມາດ​ສ້າງ​ໃໝ່​ໄດ້ ການ​ທີ່​ເຮົາ​ກົດ​ຕາ​ຊ່ວຍ​ເລັ່ງ​ລະ­ບາຍ​ນ້ຳ​ອອກ​ຈາກ​ໜ່ວຍ​ຕາ ເຮັດ​ໃຫ້​ຄວາມ­ດັນ​ໃນ​ໜ່ວຍ​ຕາ​ຫຼຸດ​ລົງ ແລະ ສົ່ງ​ຜົນ​ໃຫ້​ຊ່ອງ​ທາງ​ລະ­ບາຍ​ຂະ­ຫຍາຍ​ຢ່າງ​ຖາ­ວອນ ຊະ​ລໍ​ການ​ດຳ­ເນີນ​ການ​ຂອງ​ໂລກ ພ້ອມ​ປ້ອງ​ກັນ​ບໍ່​ໃຫ້​ປະ­ສາດ​ຕາ​ຖືກ​ທຳ­ລາຍ​ຫຼາຍ​ຂຶ້ນ​ນັ້ນ​ເອງ.

ວ.ດາ­ລາ​ວົງ ນຳ​ສະ­ເໜີ

ຕິດຕໍ່ພວກເຮົາ
error: Content is protected !!