ຂີ້ເຫຍື້ອບິນເປັນ

ຄວາມ​ເປື້ອນ​ເປິ​ະ​ເຮິ​ະ​ຮ້າຍ​ທີ່​ເຫັນ​ຕາມ​ນະ­ຄອນ­ຫຼວງ ກໍ​ຄື ຕົວ​ເມືອງ​ໃຫຍ່ໆ​ໃນ​ປະ­ເທດ​ພວກ​ເຮົາ​ນັ້ນ ເກີດ​ມາ​ຈາກ​ຫຼາຍ​ສາ­ເຫດ ແຕ່​ທີ່​ແກ້​ຍາກ​ນັ້ນ​ແມ່ນ​ຂີ້​ເຫຍື້ອ​ທີ່​ບິນ​ອອກ​ມາ​ຈາກ​ລົດ​ບັນ­ທຸກ​ຫີນ-ຊາຍ ກໍ​ຄື ລົດ​ແກ່​ວັດ­ຖຸ​ກໍ່­ສ້າງ​ອື່ນໆ ທີ່​ລະ­ເມີດ​ກົດ​ຈະ­ລາ­ຈອນ ຄື​ບໍ່​ມີ​ຜ້າ​ປົກ​ປ້ອງ​ກັນ​ບໍ່​ໃຫ້​ວັດ­ຖຸ​ທີ່​ບັນ­ທຸກ​ຕົກ­ເຮ່ຍ ນອກ­ຈາກ​ນັ້ນ ຍັງ​ບັນ­ທຸກ​ເກີນ​ຄວາມ​ສາ­ມາດ​ຂອງ​ລົດ ສ່ວນ​ການ​ຄວບ​ຄຸມ​ຕິດ­ຕາມ​ຂອງ​ເຈົ້າ​ໜ້າ­ທີ່​ຮັບ­ຜິດ­ຊອບ​ນັ້ນ​ກໍ​ລະ​ເຫຼີງ ເລືອກ​ເຮັດ​ເປັນ​ບາງ​ໂອ­ກາດ ເວ­ລາ​ມີ​ເຫດ­ການ​ສຳ­ຄັນ​ເທົ່າ​ນັ້ນ ດັ່ງ­ນັ້ນ ຈຶ່ງ​ບໍ່​ແປກ​ດອກ​ທີ່​ບ້ານ​ເມືອງ​ພວກ​ເຮົາ​ອຸ­ດົມ­ສົມ­ບູນ​ໄປ​ດ້ວຍ​ຂີ້​ເຫຍື້ອ.

ຢ່າຫຼົງເຊື່ອການໂຄສະນາເກີນເຫດ

ໃນ​ສັງ­ຄົມ​ປັດ­ຈຸ­ບັນ​ນີ້ ມີ​ການ​ແກ່ງ​ແຍ່ງ​ແຂ່ງ­ຂັນ​ກັນ​ເພື່ອ​ເຮັດ​ຢູ່​ຫາ​ກິນ​ນັ້ນ ທຸກ​ຄົນ​ຕ້ອງ​ມີ​ສະ­ຕິ​ລະ­ວັງ ຢ່າ​ໃຫ້​ຖືກ​ຕົ້ມ​ຕົວະ​ຫຼອກ​ລວງ​ຈາກ​ພວກ​ຫົວ​ໃສ​ໃຈ​ຄົດ ຕົວ­ຢ່າງ: ກໍ​ຄື ພວກ​ທີ່​ຈ່າວ​ຂາຍ​ສິນ­ຄ້າ​ເພື່ອ​ສຸ­ຂະ­ພາບ ເພື່ອ​ຄວາມ​ຈົບ​ຄວາມ​ງາມ ເຊິ່ງ​ໃຜໆ​ກໍ​ຕ້ອງ­ການ ການ​ໂຄ­ສະ­ນາ​ຂີ້​ຕົວະ​ເຫຼົ່າ​ນີ້ ມັກ​ຈະ​ເກີນ​ຄວາມ​ຈິງ ເຊັ່ນ: ເລື່ອງ​ຢາ​ຊູ​ກຳ­ລັງ​ທາງ​ເພດ ຄຼີມ​ເສີມ​ຄວາມ​ງາມ​ໃຫ້​ງາມ​ປານ​ພະ​ເອກ-ນາງ​ເອກ ທີ່­ແທ້​ແມ່ນ​ການ​ຕົວະ​ກັນ​ແບບ​ຕາ​ໃສໆທັງ​ນັ້ນ.

ຕ້ອງມີຈັນຍາບັນ ແລະ ມາລະຍາດໃນອາຊີບ

ໃນ​ສັງ­ຄົມ​ປັດ­ຈຸ­ບັນ ຄົນ​ໃນ​ທຸກໆ​ອາ­ຊີບ​ຕ້ອງ​ມີ​ຈັນ​ຍາ​ບັນ ມີ​ມາ­ລະ­ຍາດ​ສະ­ເພາະ ຈຶ່ງ​ຈະ​ມີ​ຄວາມ​ຍືນ​ຍົງ​ໃນ​ວິ­ຊາ​ຫາ​ກິນ ຕົວ­ຢ່າງ: ຖ້າ​ເປັນ​ໂຊ​ເຟີ​ລົດ​ແທັກ​ຊີ ຫຼື ລົດ​ຕຸກໆ ທີ່​ໃຫ້​ບໍ­ລິ­ການ​ຄົນ​ໂດຍ­ສານ​ນັ້ນ ກໍ​ຕ້ອງ​ປະ­ຕິ­ບັດ​ຕົນ​ໃຫ້​ເໝາະ​ສົມ ເຊັ່ນ ເວ­ລາ​ຢຸດ​ລົດ​ຮັບ​ຜູ້­ໂດຍ­ສານ ໂຊ​ເຟີ​ກໍ​ຕ້ອງ​ລົງ​ລົດ​ມາ​ຕ້ອນ­ຮັບ​ແຂກ ຫຼື ຍົກ​ເຄື່ອງ​ຂອງ​ຊ່ວຍ ກ່ອນ​ຈະ​ຂັບ​ລົດ​ອອກ​ໄປ​ກໍ​ຕ້ອງ​ແນ່​ໃຈ​ວ່າ…

ເຮັດແນວບໍ່ແນວ ລະວັງຖິ້ມແຂ້ວ

ຂີ່​ລົດ­ຖີບ​ຕາມ​ເສັ້ນ­ທາງ ບໍ່​ແມ່ນ​ຂີ່​ສະ­ແດງ​ໃນ​ໂຮງ​ກາ​ຍະ​ສິນ​ໂດຍ​ນັກ­ສະ­ແດງ ດັ່ງ­ນັ້ນ ຂໍ​ຢ່າ​ເຮັດ​ແນວ​ໂລດ​ໂຜນ ສ່ຽງ​ໄພ ເຊັ່ນ ການ​ຢອກ​ລໍ້​ກັນ ການ​ປ່ອຍ​ມື​ຈາກ​ເຂົາ​ລົດ​ທັງ​ສອງ​ເບື້ອງ ຫຼື ການ​ຂີ່​ຕັດ​ໜ້າ​ຕັດ​ຫຼັງ​ກັນ ຂີ່​ເປັນ​ແພ ຫຼື ເອົາ​ຕີນ-ມື​ເກາະ​ກາຍ​ກັນ​ຄື​ໃນ​ຮູບ​ກາ​ຕຸນ​ນີ້ ຄູ-ອາ­ຈານ ຜູ້​ປົກ­ຄອງ​ທຸກ​ຄົນ​ຄວນ​ໃສ່­ໃຈ​ຕັກ­ເຕືອນ​ລູກ​ຫຼານ ເລື່ອງ​ການ​ໃຊ້​ລົດ­ຖີບ-ລົດ­ຈັກ…

ເຮັດແນວຈັງໄຮ ສາຍໄຟຈະເປັນໄພ

ສາຍ​ໄຟ­ຟ້າ​ຢູ່​ນະ­ຄອນ­ຫຼວງ​ວຽງ​ຈັນ​ຂອງ​ພວກ​ເຮົາ ກໍ​ຄື​ຢູ່​ໃນ​ຕົວ​ເມືອງ​ອື່ນໆ ຍັງ​ມະ​ຍຸ​ມະ​ຍະ​ຢັ່ງ­ຢາຍ​ບໍ່​ເປັນ​ລະ­ບຽບ ຢູ່​ເມືອງ​ໃຫຍ່ໆ​ໃນ​ຕ່າງ­ປະ­ເທດ ເຂົາ​ມີ​ລະ­ບົບ​ຝັງ​ສາຍ​ໄຟ​ຟ້າ­ລົງ​ດິນ ບໍ່​ມີ​ສາຍ​ໄຟ­ຟ້າ​ເປັນ​ປຸ້ມ ປິດ​ບັງ​ຄວາມ​ງາມ​ຂອງ​ເຮືອນ​ຊານ​ບ້ານ​ຊ່ອງ ຍ້ອນ​ແນວ​ນີ້ ພວກ​ເຮົາ​ທຸກ​ຄົນ​ຕ້ອງ​ເອົາ­ໃຈ​ຊ່ວຍ​ກັນ ຢ່າ​ໃຫ້​ມີ​ເຄືອ­ໄມ້ ຖົງ​ຢາງ ຫຼື ເຄື່ອງ​ເສດ​ເຫຼືອ ຂີ້​ເຫຍື້ອ ໄປ​ເກາະ​ຫ້ອຍ​ຢູ່​ຕາມ​ສາຍ​ໄຟ ເພາະ​ມັນ​ເປັນ​ອັນ­ຕະ­ລາຍ…

ຄວາມປະໝາດ ຄືຄວາມຕາຍ

ການ​ຂີ່​ລົດ­ຈັກ​ດ້ວຍ​ຄວາມ​ເລີ່ນ​ເລີ້ ປະ­ໝາດ ຄື​ເຫັນ​ໃນ​ຮູບ​ກາ​ຕູນ​ແຜ່ນ​ນີ້​ນັ້ນ ມີ​ຄວາມ​ສ່ຽງ​ແບບ​ສຸດໆ ເພາະ​ໜຶ່ງ​ແມ່ນ​ການ​ໃຫ້​ເດັກ­ນ້ອຍ​ນັ່ງ​ຢູ່​ຈຸດ​ທີ່​ບໍ່​ມີ​ຄວາມ​ປອດ​ໄພ ແລະ ສອງ ຜູ້​ຊ້ອນ​ທ້າຍ ແລະ ເດັກ​ບໍ່​ໃສ່​ໝວກ​ກັນ​ກະ­ທົບ ທັງໆ​ທີ່​ກົດ​ຈະ­ລາ­ຈອນ​ໄດ້​ກຳ­ນົດ​ໃຫ້​ທຸກ​ຄົນ​ທີ່​ໃຊ້​ລົດ­ຈັກ ຕ້ອງ​ສວມ​ໝວກ​ກັນ​ກະ­ທົບ ຄວາມ​ປະ­ໝາດ​ຄື​ຄວາມ​ຕາຍ… ບູ­ຮານ​ລາວ​ເຄີຍ​ວ່າ​ໄວ້​ແຕ່​ດົນ​ມາ​ແລ້ວ​ເນີ !.

ຢ່າຕັ້ງຄວາມຫວັງແບບລົມໆແລ້ງໆ

ການ​ຖື​ສິນ​ກິນ​ທານ​ໃນ​ສາ­ສະ­ໜາ​ພຸດ​ເຮົາ​ນັ້ນ ຖ້າ​ເຮັດ​ດ້ວຍ​ຄວາມ​ບໍ­ລິ­ສຸດ​ດ້ວຍ​ໃຈ­ໃສ​ສັດ­ທາ​ແທ້​ນັ້ນ ຄົງ​ບໍ່​ມີ​ຜົນ​ກະ­ທົບ​ຕາມ​ມາ​ແນ່­ນອນ ເພາະ​ການ​ເຊື່ອ​ຖື ຫຼື​ບໍ່​ເຊື່ອ​ຖື​ສາ­ສະ­ໜາ​ນັ້ນ ເປັນ​ສິດ​ຂອງ​ສ່ວນ​ບຸກ­ຄົນ ທີ່​ໄດ້​ກຳ­ນົດ​ໄວ້​ໃນ​ລັດ​ຖະ​ທຳ​ມະ­ນູນ ແຕ່​ຖ້າ​ການ​ເຊື່ອ​ຖື​ແບບ​ເຜີ້​ຝັນ ແບບ​ຫວັງ​ສິ່ງ​ຕອບ​ແທນ ເຊັ່ນ ຂໍ​ເລກ​ບັດ​ເລກ​ເບີ ຂໍ​ໃຫ້​ຮັ່ງ­ມີ ດີ​ໄດ້ (ໂດຍ​ບໍ່​ຕ້ອງ​ອອກ­ແຮງ) ແລ້ວ ແນ່­ນອນ​ກໍ​ຈະ​ພົບ​ກັບ​ຄວາມ​ຜິດ​ຫວັງ…

ກິນເຂົ້າຮ່ວມພາ ຢ່າແຍກກຸ່ມລົມກັນ

ເວ­ລາ​ກິນ​ເຂົ້າ​ຮ່ວມ​ພາ ຫຼື ຮ່ວມ​ໂຕະ​ກັບ​ຄົນ​ອື່ນໆ​ນັ້ນ ເຮົາ​ຕ້ອງ​ປະ­ຕິ­ບັດ​ຕົນ​ຢ່າງ​ເໝາະ​ສົມ ຄື​ໂອ້​ລົມ​ທັກ​ທາຍ​ກັບ​ໝົດ​ທຸກ​ຄົນ​ຊ່ຳໆກັນ ແຕ່​ຄວນ​ເອົາ­ໃຈ­ໃສ່​ພິ­ເສດ​ກັບ​ຜູ້​ນັ່ງ​ຢູ່​ຂ້າງ​ເຮົາ ໂດຍ​ສະ­ເພາະ​ແມ່ນ​ຜູ້​ຢູ່​ກ້ຳ​ຂວາ ການ​ຕັກ​ອາ­ຫານ​ກໍ​ບໍ່​ຄວນ​ໂກ້ຍ​ແຕ່​ໃສ່​ຕ່ອນ​ແຊບໆ ຫ້າມ​ຕັກ​ອາ­ຫານ​ໃສ່​ຈານ​ຄັ້ງ​ດຽວ​ໃຫ້​ຄົບ ໃຫ້​ຕັກ​ເອົາ​ເທື່ອ​ລະ​ເຍື່ອງ​ລະ​ສອງ ສິ່ງ​ທີ່​ຄວນ​ລະ­ວັງ​ທີ່​ສຸດ ກໍ​ຄື​ຢ່າ​ລົມ ຫຼື ທັກ​ທາຍ​ແບບ​ແຍກ​ກຸ່ມ​ຈາກ​ຄົນ​ອື່ນ ເພາະ​ເປັນ​ການ​ເສຍ​ມາ­ລະ­ຍາດ​ໂຕະ​ອາ­ຫານ​ໃນ​ເວ­ລາ​ນີ້ ແມ່ນ​ເວ­ທີ​ລວມ​ຊິງ…

ເຮັດບຸນຂໍໃຫ້ເປັນບຸນແທ້ ກຸສົນນັ້ນຈຶ່ງຊິມີ

ການ​ເຮັດ­ບຸນ​ສິນ​ກິນ​ທານ​ນັ້ນ ຂໍ​ໃຫ້​ເຮັດ​ດ້ວຍ​ສັດ­ທາ ກໍ​ຄື ຄວາມ​ເຫຼື້ອມ​ໃສ ເຮັດ​ເພື່ອ​ກຸ­ສົນ​ຜົນ​ບຸນ ເພື່ອ​ຄ້ຳ​ຊູ​ສາ­ສະ­ໜາ ດ້ວຍ​ຄວາມ​ບໍ­ລິ­ສຸດ​ໃຈ​ແທ້ ຢ່າ​ມີ​ແນວ​ແອບ​ແຝງ ເພື່ອ​ຜົນ​ປະ­ໂຫຍດ​ສ່ວນ​ຕົວ ເງິນ​ທີ່​ແຜ່​ມາ​ໄດ້​ກໍ​ຕ້ອງ​ນຳ​ໃຊ້​ຕາມ​ຈຸດ­ປະ­ສົງ​ທີ່​ທາງ​ວັດ​ວາງ​ໄວ້ ຢ່າ​ໃຫ້​ເຂົ້າ­ຖົງ​ບຸກ­ຄົນ ມັນ​ຊິ​ເປັນ​ບາບ ເປັນ​ຄາບ​ເປື້ອນ​ເປິ​ສາ­ສະ­ໜາ ຄື​ທີ່​ເຄີຍ​ເປັນ​ຂ່າວ​ຢູ່​ເລື້ອຍໆ.

error: Content is protected !!